IND vs ENG : इंग्लंडला जाणार नवे खेळाडू, BCCI करणार निवड समितीशी चर्चा

इंग्लंडविरुद्धच्या 5 टेस्ट मॅचच्या सीरिजआधी (India vs England) भारतीय क्रिकेट टीम अडचणीत सापडली आहे. टीम इंडियाचे 3 खेळाडू दुखापतग्रस्त झाल्यामुळे इंग्लंड दौऱ्यातून बाहेर झाले आहेत. सराव सामन्यामध्ये वॉशिंग्टन सुंदरच्या (Washington Sundar) अंगठ्याला दुखापत झाली, त्यामुळे तो टेस्ट सीरिजमधून बाहेर झाला आहे, तसंच फास्ट बॉलर आवेश खानही (Avesh Khan) दुखापतीमुळे सीरिजला मुकणार आहे. दोन आठवड्यांआधीच शुभमन गिलही (Shubhaman Gill) दुखापतीमुळे भारतात परतला आहे. त्यामुळे आता निवड समिती इंग्लंड दौऱ्यासाठी नव्या खेळाडूंना पाठवू शकते.

क्रिकबझने दिलेल्या वृत्तानुसार बीसीसीआय (BCCI) निवड समितीला नव्या खेळाडूंची निवड करण्याचा सल्ला देऊ शकते, कारण भारताचा इंग्लंड दौरा 2 महिने चालणार आहे, या कालावधीमध्ये खेळाडूंना दुखापत होऊ शकते.

इंग्लंडमध्ये कोरोनाचा कहर सुरू आहे. ऋषभ पंतप्रमाणेच (Rishabh Pant) इतर खेळाडूंनाही कोरोना व्हायची भीती आहे, त्यामुळे भारतीय टीमला पर्यायी खेळाडूंची गरज पडू शकते.

शुभमन गिल इंग्लंड दौऱ्यातून बाहेर झाल्यानंतर टीम मॅनजमेंटने त्याच्याऐवजी दुसऱ्या ओपनरना इंग्लंडला पाठवण्याची मागणी केली होती, पण माध्यमांमध्ये आलेल्या वृत्तानुसार निवड समितीने याला नकार दिला होता. आता 3 खेळाडूंना दुखापत झाल्यामुळे निवड समिती लवकरच बैठक घेऊन नव्या खेळाडूंना इंग्लंडला पाठवू शकते.

भारताची आणखी एक टीम सध्या श्रीलंकेत आहे, त्यामुळे इंग्लंड दौऱ्यावर कोणाला पाठवण्यात येणार, हा प्रश्न आहे. श्रीलंकेत असलेल्या पृथ्वी शॉ (Prithvi Shaw) आणि देवदत्त पडिक्कल (Devdutt Padikkal) यांना इंग्लंडला पाठवण्याची शक्यता आहे. या आधीही या दोघांची नावं चर्चेत आली होती.

ऋषभ पंत डरहममध्ये टीम इंडियाच्या बायो-बबलमध्ये दाखल झाला आहे. कोरोना टेस्ट पॉझिटिव्ह आल्यामुळे पंत लंडनमध्ये आयोसेलट झाला होता.

अभिमन्यू इश्वरन, ऋद्धीमान साहा टीम इंडियामध्ये शुक्रवारी दाखल होण्याची शक्यता आहे. या दोघांसोबत टीमचे बॉलिंग प्रशिक्षक भरत अरुणही असतील. (Instagram/Wriddhiman Saha)