IND VS ENG: मोहम्मद सिराजच्या बॉलिंगचे पाकिस्तानमध्येही फॅन, महिला पत्रकार म्हणाली...

मुंबई, 19 ऑगस्ट : मोहम्मद सिराजनं (Mohammed Siraj) फक्त 7 टेस्टमध्ये सर्वांना प्रभावित केलं आहे. इंग्लंड विरुद्ध लॉर्ड्सवर झालेल्या दुसऱ्या टेस्टमध्ये (India vs England 2nd Test) सिराजनं जबरदस्त बॉलिंग केली. त्याने दोन्ही इनिंगमध्ये 4-4 विकेट्स घेतल्या. त्यामुळे भारताने ही टेस्ट 151 रननं जिंकली. सिराजच्या या कामगिरीची भारतामध्येच नाही तर पाकिस्तानातही प्रशंसा होत आहे. (फोटो:AFP)

पाकिस्तानमधील क्रीडा पत्रकार झैनाब अब्बास (Zainab Abbas) ही सिराजची फॅन झाली आहे. तिनं एक व्हिडीओ प्रसिद्ध करत त्याच्या खेळाची प्रशंसा केली आहे.

अब्बासनं सांगितलं की, ‘सिराज आता वर्ल्ड क्लास बॉलर बनत आहे. त्यानं ऑस्ट्रेलियाविरुद्ध आणि आता लॉर्ड्स टेस्टमध्येही विकेट्स घेतल्या आहेत. सिराजकडं वेग आहे. तसंच बॉल नियंत्रणात ठेवण्याची क्षमता आहे. तसंच त्याची लाईन आणि लेन्थ देखील कमाल आहे.’

‘भारताकडं 10-15 वर्षांपूर्वी या प्रकारचे फास्ट बॉलर नव्हते. पण आता फास्ट बॉलर्समुळे टीम इंडियाची वेगळी ओळख निर्माण झाली आहे. बुमराहची प्रशंसा करावी तितकी कमी आहे. इशांत शर्मानं चांगली बॉलिंग केली. तसंच शमीलाही विसरता येणार नाही,’ असं ती म्हणाली. (फोटो: AP)

अब्बास पुढे म्हणाली की, ‘आता क्रिकेटमध्ये कुणाही लोअर ऑर्डरचा बॅट्समन नाही. तुम्हाला चांगल्या बॉलिंगबरोबरच बॅटींग देखील आली पाहिजे. ही टेस्ट क्रिकेटची गरज बनली आहे. बॅटींगसाठी पिच चांगली झाली आहे. तुम्ही 90 च्या दशकाप्रमाणे क्रिकेट खेळू शकत नाही. चांगलं क्रिकेट कुणीही खेळलं तर त्याची प्रशंसा व्हायला हवी.’

‘टीम इंडियाकडे लढण्याची जिद्द आहे. ही टीम कधीही हार मानत नाही. याच वैशिष्ट्यामुळे तुम्ही मॅच जिंकू शकता. इंग्लंडच्या टीमबद्दल बोलायचं झालं तर त्यांनी निराशाजनक कामगिरी करत आणि टीम इंडियाला मॅच बहाल केली.’ असं अब्बासनं यावेळी स्पष्ट केले. (फोटो: AP)