IND VS ENG: चेतेश्वर पुजारा पुन्हा एकदा फ्लॉप, विराटला घ्यावा लागणार कठोर निर्णय

टीम इंडियाची भिंत समजला जाणाऱ्या चेतेश्वर पुजाराचा (Cheteshwar Pujara) खराब फॉर्म कायम आहे. लॉर्ड्स टेस्टमधील (India vs England, 2nd Test) पहिल्या इनिंगमध्ये पुजारा फक्त 9 रन काढून आऊट झाला. पुजाराला जेम्स अँडरसननं आऊट केलं. अँडरसनचा बाहेर जाणारा बॉल खेळण्याचा पुजाराचा प्रयत्न फसला. स्लिपमध्ये उभ्या असलेल्या बेअरस्टोनं त्याचा कॅच पकडला. (फोटो : AP)

पुजाराच्या या फ्लॉप शोमुळे त्याचे करिअर धोक्यात आले आहे. मागच्या 10 टेस्ट इनिंगमध्ये पुजाराला एकही अर्धशतक झळकावता आलेलं नाही. या काळात त्याने फक्त 108 रन काढले आहेत. (फोटो : AFP)

पुजारानं मागच्या 10 टेस्ट इनिंगमध्ये 9, 12*, 4, 15, 8, 17, 0, 7, 21, 15 रन काढले आहेत. याचाच अर्थ अर्धशतक सोडा त्याला 30 रनही करता आलेले नाहीत. (फोटो : AFP)

पुजाराला मागील दोन वर्षात मोठी धावसंख्या करण्यात अपयश आले आहे. 2019 पासून विदेशातील टेस्टमध्ये त्याने 25.33 च्या सरासरीनं 456 रन केले आहेत. या काळात त्याने चार अर्धशतक झळकावली आहेत. (फोटो: Pujara Instagram)

मागील दोन वर्षांमध्ये पुजारानं 20 टेस्ट मॅच खेळल्या आहेत. या काळात फक्त 27.06 च्या सरासरीनं 806 रन काढले आहेत. वर्ल्ड टेस्ट चॅम्पियनशिपमध्ये त्याची सरासरी 30 पेक्षा कमी होती. (फोटो : AFP)

टीम मॅनेजमेंट आणि कॅप्टन विराट कोहलीनं आजवर पुजाराचा बचाव केला आहे. पण त्याचा खराब फॉर्म पाहता लवकरच त्याला टीममधून वगळले जाऊ शकते. (फोटो : AFP)

लॉर्ड्स टेस्टमध्ये पुजारा फ्लॉप ठरला असला तरी रोहित शर्मा आणि केएल राहुल यांनी चांगली सुरुवात केली. या जोडीनं पहिल्या विकेटसाठी 126 रनची भागिदारी केली. रोहित शर्मानं 83 रन काढले. तर राहुल पहिल्या दिवसाच्या अखेरीस 127 रन काढून नाबाद आहे. (फोटो : AFP)