IND vs AUS : ऑस्ट्रेलिया दौऱ्यात 'अजिंक्य' कामगिरी, रहाणे घरी आल्यावर बिल्डिंगमध्ये जल्लोष

ऑस्ट्रेलिया दौऱ्यातल्या टेस्ट सीरिजमध्ये भारताने ऐतिहासिक कामगिरी केली. 4 टेस्ट मॅचच्या बॉर्डर-गावसकर ट्रॉफीमध्ये भारताचा 2-1 ने विजय झाला. विराट कोहलीच्या अनुपस्थितीमध्ये अजिंक्य रहाणेने सर्वोत्कृष्ठ कामगिरी करत इतिहास घडवला. हा यशस्वी दौरा आटपून परत आल्यानंतर अजिंक्य रहाणेच्या बिल्डिंगमध्येही जल्लोष करण्यात आला.

बिल्डिंगमधले रहिवासी आणि लहान मुलं तसंच अजिंक्य, त्याची पत्नी आणि मुलगी यांनी केक कापून या विजयाचं सेलिब्रेशन केलं.

अजिंक्य रहाणे हा मुंबईच्या माटुंग्यात राहतो, या बिल्डिंगच्या 34 व्या मजल्यावर अजिंक्य रहाणेचे घर आहे.

बिल्डिंगमध्ये झालेल्या सेलिब्रेशनच्या आधी मुंबई विमानतळावरही अजिंक्य रहाणे आणि टीम इंडियाच्या खेळाडूंचं स्वागत करण्यात आलं.

यावेळी अजिंक्यसह रोहित शर्मा, प्रशिक्षक रवी शास्त्री, शार्दुल ठाकूर आणि पृथ्वी शॉ हे खेळाडू उपस्थित होते. काल ऑस्ट्रेलियावरून निघालेले हे खेळाडू दुबईमार्गे आज सकाळी मुंबईत दाखल झाले आहेत.