IND vs AUS : फोटोवर घाणेरडी कमेंट करणाऱ्याला शिखर धवनने सुनावलं

भारताचा ओपनर शिखर धवन (Shikhar Dhawan) ऑस्ट्रेलियाविरुद्धच्या टेस्ट सीरिजसाठीच्या भारतीय टीममध्ये नाही. त्यामुळे वनडे आणि टी-20 सीरिज संपल्यानंतर तो भारतात परतला आहे.

शनिवारी धवनने दीपक चहर आणि युझवेंद्र चहलसोबतचा विमानातला एक फोटो सोशल मीडियावर शेयर केला. या फोटोवर एका युजरने धवनला ट्रोल करण्याचा प्रयत्न केला. (Photo AP)

या कमेंटनंतर शिखर धवनही गप्प बसला नाही आणि त्याने ट्रोल करणाऱ्याची बोलती बंद केली. धवनने चहर आणि चहलसोबतचा फोटो शेयर करताना, डोळे काढून गोट्या खेळतो, असं कॅप्शन दिलं होतं.

शिखर धवनच्या या कमेंटवर ट्रोलरने घाणेरडी कमेंट केली. यावर धवनने त्याला चांगलंच सुनावलं. तुझ्या घरातले, पण तुझ्याबद्दल हेच बोलतात, असं प्रत्युत्तर धवनने ट्रोलरला दिलं.

शिखर धवन हा सध्या जबरदस्त फॉर्ममध्ये आहे. नुकत्याच झालेल्या टी-20 सीरिजमध्ये तो भारताचा सर्वाधिक रन करणारा तिसरा खेळाडू बनला आहे.