IND vs AUS : एरॉन फिंचने केलं शतक, पण ट्रोल झाला विराट!

भारताविरुद्धच्या पहिल्या वनडेमध्ये ऑस्ट्रेलियाचा कर्णधार एरॉन फिंच (Aron Finch) याने शतकी खेळी केली. फिंच याने 124 बॉलमध्ये 114 रन केले, यामध्ये 9 फोर आणि 2 सिक्सचा समावेश होता.

ऑस्ट्रेलियाचा कर्णधार असलेल्या फिंचने शतक केलं असलं तरी त्यामुळे भारतीय कर्णधार विराट कोहलीला वाईट पद्धतीने ट्रोल करण्यात आलं. यंदाच्या आयपीएलमध्ये एरॉन फिंच कोहलीच्या नेतृत्वात बँगलोरकडून खेळला.

युएईमध्ये झालेल्या या आयपीएलमध्ये फिंचने निराशाजनक कामगिरी केली. संपूर्ण आयपीएलमध्ये तो फॉर्मसाठी झगडत होता.

आयपीएल संपल्यानंतर लगेचच पुढच्याच आंतरराष्ट्रीय मॅचमध्ये फिंचने शतक केलं. त्यामुळे फिंचसोबतच विराट कोहलीलाही सोशल मीडियावर ट्रोल करण्यात आलं.