IND vs AUS : बुमराहच्या बॉलवर ऑस्ट्रेलियन कर्णधार फिंचने इतिहास घडवला

ऑस्ट्रेलियाचा कर्णधार एरॉन फिंच (Aron Finch) याने पहिल्या वनडे मॅचमध्ये इतिहास घडवला आहे. फिंच याने ऑस्ट्रेलियाचे दिग्गज क्रिकेटपटू डीन जोन्स यांना मागे टाकत वनडे क्रिकेटमध्ये 5 हजार रनचा टप्पा ओलांडला आहे.

मॅचच्या सहाव्या ओव्हरमध्ये बुमराहने टाकलेल्या पाचव्या बॉलवर फिंचने एक रन काढली आणि त्याच्या नावावर वनडे क्रिकेटमध्ये 5 हजार रन झाल्या.

एरॉन फिंच सगळ्यात जलद 5 हजार रन करणारा दुसरा ऑस्ट्रेलियन खेळाडू ठरला आहे. फिंच याला 126 वनडेमध्ये 5 हजार रन करता आले, तर वॉर्नर याला हे रेकॉर्ड करण्यासाठी 115 इनिंग लागल्या.

फिंच याने याबाबतीत डीन जोन्स यांना पिछाडीवर टाकलं आहे. जोन्स यांनी 128 इनिंगमध्ये हे रेकॉर्ड केलं होतं, तर मॅथ्यू हेडनला 132 आणि मायकल बेवनला 135 इनिंग लागल्या.