IND vs SL : विराटच नाही तर अश्विन-टीम इंडियाही इतिहास घडवण्याजवळ, मोहालीत पडणार विक्रमांचा पाऊस

भारत आणि श्रीलंका (India vs Sri Lanka) यांच्यातल्या 2 टेस्ट मॅचच्या सीरिजला 4 मार्चपासून सुरूवात होणार आहे. दिमुथ करुणारत्नेच्या (Dimuth Karunaratne) नेतृत्वात श्रीलंकेची टीम भारतात पहिल्यादांच टेस्ट जिंकण्यासाठी उतरेल. याआधी झालेल्या टी-20 सीरिजमध्ये श्रीलंकेचा 3-0 ने पराभव झाला होता.

भारताने श्रीलंकेविरुद्ध घरच्या मैदानात तिन्ही फॉरमॅटमध्ये 58 मॅच जिंकल्या आहेत. जर दोन्ही टेस्टमध्ये विजय मिळाला तर टीम इंडिया घरच्या मैदानात श्रीलंकेविरुद्ध सर्वाधिक मॅच जिंकणारी टीम बनेल. सध्या हे रेकॉर्ड ऑस्ट्रेलियाच्या नावावर आहे. ऑस्ट्रेलियाने घरच्या मैदानात श्रीलंकेचा तिन्ही फॉरमॅटमध्ये मिळून 59 सामन्यांमध्ये पराभव केला आहे.

ऑफ स्पिनर आर.अश्विन याच्या नावावर टेस्ट क्रिकेटमध्ये 430 विकेट झाल्या आहेत. भारताकडून टेस्टमध्ये सर्वाधिक विकेट घेणाऱ्या खेळाडूंमध्ये अश्विन तिसऱ्या क्रमांकावर आहे. जर या सीरिजमध्ये अश्विनने 5 विकेट घेतल्या तर तो कपिल देव (Kapil Dev) यांचं 434 विकेटचं रेकॉर्ड मोडेल आणि दुसऱ्या क्रमांकावर जाईल. भारताकडून टेस्ट क्रिकेटमध्ये सर्वाधिक विकेट घेण्याचा विक्रम अनिल कुंबळेच्या नावावर आहे. कुंबळेने टेस्टमध्ये 619 विकेट घेतल्या आहेत. (BCCI Twitter)

श्रीलंकेची टीम 1982 पासून भारतात टेस्ट मॅच खेळत आहे, पण त्यांना एकदाही विजय मिळवता आलेला नाही. भारतामध्ये दोन्ही टीम आतापर्यंत 20 मॅच खेळल्या यातल्या 11 सामन्यांमध्ये टीम इंडियाचा (Team India) विजय झाला आणि 9 मॅच ड्रॉ झाल्या.

श्रीलंकेची टीम आतापर्यंत भारतात 8 टेस्ट सीरिज खेळली आहे, यातल्या 6 सीरिजमध्ये त्यांचा पराभव झाला, तर 2 सीरिज ड्रॉ झाल्या. याआधी नोव्हेंबर 2017 साली दोन्ही देशांमध्ये 3 टेस्ट मॅचची सीरिज झाली होती, या सीरिजमध्ये भारताचा 1-0 ने विजय झाला आणि 2 मॅच ड्रॉ झाल्या. (BCCI Twitter)

भारत आणि श्रीलंका यांच्यात एकूण 44 टेस्ट झाल्या, यातल्या 20 टेस्ट भारताने जिंकल्या, तर 7 मॅच जिंकण्यात श्रीलंकेला यश आलं आणि 17 टेस्ट ड्रॉ झाल्या. म्हणजेच टीम इंडियाने श्रीलंकेपेक्षा तिप्पट टेस्ट जास्त जिंकल्या आहेत. रोहित शर्माची (Rohit Sharma) टेस्ट कर्णधार म्हणून ही पहिलीच टेस्ट असेल.