अर्शदीपची शेवटची ओव्हर अन् आघाडीच्या फलंदाजांची हाराकिरी, भारताच्या पराभवाला ठरले कारण

भारताला रांचीत झालेल्या पहिल्या टी२० सामन्यात न्यूझीलंडविरुद्ध २१ धावांनी पराभूत व्हावं लागलं. विजयासाठी १७७ धावांचे आव्हान घेऊन मैदानात उतरलेल्या टीम इंडियाला १५५ धावांपर्यंतच मजल मारता आली. आता दोन्ही संघातील दुसरा सामना २९ जानेवारीला लखनऊमध्ये होणार आहे.

न्यूझीलंडने दिलेल्या आव्हानाचा पाठलाग करताना भारताची सुरुवात खराब झाली. टीम इंडियाची अवस्था ३ बाद १५ अशी झाली होती. शुभमन गिल ७, इशान किशन ४ तर राहुल त्रिपाठी ४ धावांवर बाद झाला. सुरुवातीचे तीन गडी बाद झाल्यानतंर अखेरपर्यंत भारताला धावांसाठी धडपडावे लागले.

न्यूझीलंडने दिलेल्या आव्हानाचा पाठलाग करताना भारताची सुरुवात खराब झाली. टीम इंडियाची अवस्था ३ बाद १५ अशी झाली होती. शुभमन गिल ७, इशान किशन ४ तर राहुल त्रिपाठी ४ धावांवर बाद झाला. सुरुवातीचे तीन गडी बाद झाल्यानतंर अखेरपर्यंत भारताला धावांसाठी धडपडावे लागले.

भारताच्या ७ बाद ११५ धावा झाल्या असताना वॉशिंग्टन सुंदरने जबरदस्त फलंदाजी करत संघाला मोठ्या पराभवातून वाचवलं. सुंदर अखेरच्या षटकात भारताला ३३ धावांची गरज असताना बाद झाला. त्याने २८ चेंडूत तुफान फटकेबाजी करत ५० धावा केल्या. यात पाच चौकार आणि तीन षटकार मारले.

न्यूझीलंडच्या फलंदाजांना कमी धावात रोखण्यात टीम इंडियाला अपयश आल्याचं पराभवानंतर भारताचा कर्णधार हार्दिक पांड्याने म्हटलं. न्यूझीलंडचा फलंदाज डेरिल मिशेलने अखेरच्या षटकांमध्ये ३० चेंडूत नाबाद ५९ धावांची वेगवान खेळी केली. त्याने एकट्याने अर्शदीपने टाकलेल्या अखेरच्या षटकात तब्बल २७ धावा कुटल्या. भारताला याच धावा विजयासाठी पाठलाग करताना महागात पडल्या.