IND vs AUS : ऑस्ट्रेलियाचे तीन ऑलराऊंडर टीम इंडियासाठी धोकादायक, आयपीएलमध्येही केलाय धमाका!

टेस्ट सीरिजवेळी ऑस्ट्रेलियाचे दिग्गज खेळाडू दुखापतीमुळे घरी परतले होते, तर ऑस्ट्रेलियाचा कर्णधार पॅट कमिन्स आई आजारी असल्यामुळे मायदेशात गेला होता, त्यानंतर स्टीव्ह स्मिथला ऑस्ट्रेलियाचं कर्णधार करण्यात आलं होतं. (CA/Twitter)

वनडे सीरिजमध्ये ऑस्ट्रेलियाचे काही दिग्गज खेळाडूंना भारतातली परिस्थिती माहिती आहे, त्यामुळे ते टीम इंडियासाठी धोकादायक ठरू शकतात. या खेळाडूंचं आयपीएलमधलं रेकॉर्डही धमाकेदार आहे. (AFP)

या यादीमध्ये पहिलं नाव आहे ग्लेन मॅक्सवेलचं. ग्लेन मॅक्सवेल ऑस्ट्रेलियाच्या वनडे टीमचा भाग आहे. आयपीएलमध्येही मॅक्सवेलने बरंच क्रिकेट खेळलं आहे, त्यामुळे भारतामध्ये कसं खेळायचं हे मॅक्सवेल जाणून आहे. (Glenn Maxwell Instagram)

आयपीएलमध्ये मॅक्सवेलने 110 मॅच खेळल्या, यात त्याने 13 अर्धशतकांच्या मदतीने 2,319 रन केले, ज्यात 95 रन हा त्याचा सर्वाधिक स्कोअर आहे, त्यामुळे वनडे सीरिजमध्ये मॅक्सवेल चांगली कामगिरी करू शकतो. (Glenn Maxwell Instagram)

बॅटिंगशिवाय मॅक्सवेल बॉलिंगही करू शकतो. त्याने 110 वनडे सामन्याच्या 66 इनिंगमध्ये 28 विकेट घेतल्या आहेत. वनडे सीरिजमध्ये ऑस्ट्रेलियन कर्णधार स्टीव्ह स्मिथ त्याचा बॉलर म्हणूनही वापर करू शकतो. (Glenn Maxwell Instagram)

ऑस्ट्रेलियाच्या टीममध्ये दुसरा ऑलराऊंडर आहे मार्कस स्टॉयनिस. मार्कस स्टॉयनिस त्याच्या आक्रमक बॉलिंगमुळे ओळखला जातो. स्टॉयनिसने आयपीएलमध्ये 67 मॅच खेळल्या, ज्यात त्याने 4 अर्धशतकांसह 1070 रन केल्या आहेत. (Marcus Stoinis Instagram)

बॅटिंगसोबतच स्टॉयनिस बॉलिंगमध्येही उपयुक्त ठरू शकतो. आयपीएलच्या 50 इनिंगमध्ये स्टॉयनिसने 34 विकेट घेतल्या आहेत, त्यामुळे तो वनडे सीरिजमध्येही स्मिथसाठी हुकमी एक्का ठरू शकतो. (Marcus Stoinis Instagram)

2022 साली झालेल्या टी-20 वर्ल्ड कपमध्ये ऑस्ट्रेलियाचा विजय झाला, या विजयात ऑलराऊंडर असलेल्या मिचेल मार्शने धमाकेदार कामगिरी केली होती. भारताविरुद्धच्या वनडे सीरिजमध्ये मार्शचीही निवड झाली आहे. आक्रमक बॅटिंगसोबतच मार्श फास्ट बॉलरही आहे, ज्याचा फायदा ऑस्ट्रेलियन टीममध्ये संतुलन साधण्यासाठी होऊ शकेल