T20 World Cup : विराट-युवराज-गंभीर का शोएब-बाबर... IND vs PAK मधला Top Scorer कोण?

भारत आणि पाकिस्तान 24 ऑक्टोबरला आपल्या टी-20 वर्ल्ड कप 2021 च्या मोहिमेला सुरुवात करणार आहेत. दोन वर्षांनंतर या टीम एकमेकांसमोर उभ्या ठाकणार आहेत. तणावपूर्ण संबंधांमुळे भारत आणि पाकिस्तान फक्त आयसीसी स्पर्धा आशिया कपमध्ये एकमेकांविरुद्ध खेळतात. भारताने टी-20 वर्ल्ड कपमध्ये पाकिस्तानवर 5-0 ने आघाडी मिळवली आहे. यावेळीही टीम इंडियाचं ही मॅच जिंकण्यासाठी फेवरेट आहे. या सामन्याआधी दोन्ही टीममधल्या सर्वाधिक रन करणाऱ्या खेळाडूंवर नजर टाकूया. (Virat kohli/Babar Azam Instagram)

विराट कोहली : भारताचा स्टार खेळाडू विराट कोहलीने (Virat Kohli) फक्त टी-20 वर्ल्ड कपच्या 6 सामन्यांमध्ये 254 रन केल्या आहेत. विराटची सरासरी 84.66 ची तर त्याच्या नावावर दोन अर्धशतकं आहेत. कोहलीचा स्ट्राईक रेट 118.69 चा आहे. विराटने पाकिस्तानविरुद्ध टी-20 वर्ल्ड कपमध्ये मॅच जिंकवणाऱ्या खेळी केल्या आहेत. यावेळी पहिल्यांदाच विराट टी-20 वर्ल्ड कपमध्ये टीम इंडियाचं नेतृत्व करणार आहे.

शोएब मलिक : पाकिस्तानचा माजी कर्णधार शोएब मलिक (Shoaib Malik) 8 मॅचमध्ये 164 रनसह दुसऱ्या क्रमांकावर आहे. शोएब मलिकने फक्त 103.79 च्या स्ट्राईक रेटने रन केले, तसंच त्याची सरासरी 27.33 ची आहे. मलिकने भारताविरुद्ध एक अर्धशतकही केलं. 2007 साली टी-20 वर्ल्ड कपच्या दोन्ही सामन्यांमध्ये पाकिस्तानचा भारताविरुद्ध पराभव झाला होता, तेव्हा शोएब मलिक पाकिस्तानचा कर्णधार होता.

मोहम्मद हाफीज : पाकिस्तानचा ऑलराऊंडर मोहम्मद हफीजने (Mohammad Hafeez) 7 मॅचमध्ये 156 रन केले, त्याचा स्ट्राईक रेट 118.18 चा आहे, तर सरासरी 26 ची आहे. हफीजने भारताविरुद्ध दोन अर्धशतकं केली आहेत. मागच्या काही वर्षांपासून हफीज फॉर्ममध्ये आहे. या वर्ल्ड कपमध्ये त्याच्यावर मोठी जबाबदारी आहे.

युवराज सिंग : युवराज सिंगने (Yuvraj Singh) पाकिस्तानविरुद्ध 8 मॅचमध्ये 155 रन केले. 2012 साली पाकिस्तानविरुद्ध त्याने 72 रनची खेळी केली, जेव्हा भारताने 192 रनचा बचाव करत सीरिज 1-1 ने बरोबरीत सोडवली. 2016 वर्ल्ड कपमध्ये त्याने 23 बॉलमध्ये 24 रन केले होते.

गौतम गंभीर : गौतम गंभीरने (Gautam Gambhir) पाकिस्तानविरुद्ध 139 रन केले, त्याची सरासरी 27.80 ची आहे, तसंच त्याने एक अर्धशतकही केलं. गंभीरचं हे अर्धशतक 2007 टी-20 वर्ल्ड कपच्या फायनलमध्ये आलं होतं. गंभीरने 54 बॉलमध्ये 75 रन केले होते, त्यामुळे भारताने 157/5 पर्यंत मजल मारली होती. भारताने हा सामना 5 रनने जिंकला होता.