World Cup विजेत्या संघाला इतकी रक्कम, ICCने केली घोषणा

इंग्लंडमध्ये 30 मे पासून आयसीसी क्रिकेट वर्ल्ड कप स्पर्धेचा महासंग्राम सुरु होणार आहे. यात जिंकणाऱ्या संघाला आयसीसी 40 लाख डॉलर इतकी रक्कम देणार आहे.

भारतीय चलनानुसार विजेत्या संघाला 28 कोटी रुपये देण्यात येणार आहेत. वर्ल्ड कपच्या इतिहासात विजेत्या संघाला देण्यात येणारी ही सर्वात मोठी रक्कम ठरणार आहे.

वर्ल्ड कप स्पर्धा 46 दिवस रंगणार आहे. यात विजेत्या संघाला 40 लाख डॉलर तर उपविजेत्या संघाला 20 लाख डॉलर बक्षीस दिले जाणार आहे. सेमीफायनलला पोहचणाऱ्या संघांना 8 लाख डॉलर बक्षीस मिळणार आहे.

वर्ल्ड कपच्या साखळी फेरीत जिंकणाऱ्या संघाला 40 हजार डॉलर तर साखळी फेरीतून बाद फेरीत पोहचणाऱ्या संघाला एक लाख डॉलरचे बक्षीस दिले जाणार आहे.

आयसीसी वर्ल्ड कपमधील पहिला सामना इंग्लंड आणि दक्षिण आफ्रिका यांच्यात होणार आहे. विशेष म्हणजे या दोन्ही संघांनी आतापर्यंत एकदाही वर्ल्ड कप जिंकलेला नाही. यंदाच्या वर्ल्ड कपमध्ये 10 संघ सहभागी होणार असून क्रिकेटची पंढरी समजल्या जाणाऱ्या लॉर्डसवर अंतिम सामना 14 जुलैला होणार आहे.