IND vs NZ : धोनीच्या शहरात क्रिकेटचा रोमांच, T20 च्या तिकीटांसाठी रात्रीपासून प्रेक्षक रांगेत!

भारत आणि न्यूझीलंड यांच्यातल्या टी-20 सीरिजला बुधवार 17 नोव्हेंबरपासून सुरुवात होणार आहे. सीरिजची दुसरी टी-20 मॅच 19 नोव्हेंबरला रांचीमध्ये आहे. त्याआधी रांचीच्या स्टेडियममध्ये मॅचची तिकीट विक्री सुरू झाली आहे. ही मॅच बघण्यासाठी रांचीमधले क्रिकेट चाहते कमालीचे उत्सुक आहेत. (संजय कुमार सिन्‍हा/न्‍यूज 18 हिंदी)

झारखंड क्रिकेट असोसिशेनने रांचीच्या स्टेडियममध्ये सुरू केलेल्या तिकीट काऊंटरवर प्रेक्षकांनी मोठ्या प्रमाणावर गर्दी केली आहे. वेस्ट गेटसमोर उघडलेल्या तीन काऊंटरवर तिकीट खरेदी करण्यासाठी मोठी रांग आहे. यातले अनेक जण रात्रीपासूनच रांगेत उभे आहेत. (संजय कुमार सिन्‍हा/न्‍यूज 18 हिंदी)

या सामन्यासाठी झारखंड क्रिकेट असोसिएशनच्या स्टेडियमबाहेर अनेक चाहते रात्रीच्या थंडीतही तिकडेच राहिले. तसंच तिकीटांचा काळाबाजरही सुरू आहे. (संजय कुमार सिन्‍हा/न्‍यूज 18 हिंदी)

19 नोव्हेंबरला रांचीमधल्या आंतरराष्ट्रीय स्टेडियममध्ये भारत आणि न्यूझीलंड यांच्यात टी-20 आंतरराष्ट्रीय मॅच खेळवली जाणार आहे.

तिकीट काऊंटरच्या बाहेर पोलीस उपस्थित असले तरी काही जण दुप्पट किंमतीमध्ये तिकीट विकत आहेत. तिकीटांचा काळा बाजार होत असल्यामुळे काही प्रेक्षकांनी नाराजीही व्यक्त केली आहे. (संजय कुमार सिन्‍हा/न्‍यूज 18 हिंदी)