वडिलांवर अंत्यसंस्कार करताना हार्दिक-कृणालला अश्रू अनावर

टीम इंडियाचे ऑलराऊंडर हार्दिक पांड्या (Hardik Pandya) आणि कृणाल पांड्या (Krunal Pandya) यांच्या वडिलांचं शनिवारी निधन झालं. हृदयविकाराचा धक्का लागल्यामुळे हिमांशू पांड्या (Himanshu Pandya) यांचा मृत्यू झाला. बडोद्यामध्ये त्यांनी अखेरचा श्वास घेतला.

शनिवारीच हिमांशू पांड्या यांच्यावर अंत्यसंस्कार करण्यात आले, तेव्हा दोन्ही पांड्या बंधूंना अश्रू अनावर झाले. मोठा भाऊ असल्यामुळे कृणाल पांड्या याने सगळे विधी केले.

वडिलांच्या अचानक जाण्यामुळे हार्दिक आणि कृणाल यांनाही मोठा धक्का बसला आहे. त्यांना शेवटचा निरोप देताना दोघंही भावुक झाले.

वडिलांच्या मृत्यूनंतर कृणाल पांड्या बायो-बबलमधून बाहेर आला आहे. सय्यद मुश्ताक अली स्पर्धेमध्ये तो बडोद्याचं नेतृत्व करत होता. तर हार्दिक मात्र या स्पर्धेत खेळत नाहीये. ऑस्ट्रेलिया दौऱ्यात वनडे आणि टी-20 सीरिज खेळून भारतात परतलेला हार्दिक घरीच विश्रांती घेत आहे. (Photo-Instagram)