भज्जी-श्रीसंतपासून ते अनुष्का-गावसकरपर्यंत, IPL मधले 5 मोठे वाद

आयपीएल ही जगातली सगळ्यात मोठी क्रिकेट लीग आहे, यात कोणताही वाद नाही. अनेक सेलिब्रिटींसह युवा खेळाडूंना आयपीएलमध्ये त्याची प्रतिभा दाखवण्याची संधी मिळते. क्रिकेट आणि बॉलीवूड आयपीएलमुळे एकत्र येताना चाहत्यांना पाहायला मिळतं. 2008 पासून सुरू झालेल्या आयपीएलमध्ये अनेकवेळा वादही पाहायला मिळाले. आयपीएलच्या 13 मोसमांमध्ये झालेल्या वादांवर नजर टाकूयात (Harbhajan, Dhoni, Anushka/Instagram)

गंभीर-कोहली वाद : 2013 मध्ये आरसीबी आणि केकेआर यांच्यातल्या मॅचवेळी विराट कोहली आणि गौतम गंभीर यांच्यात वाद झाला. हे दोघं एकमेकांना भिडत होते तेव्हा रजत भाटीया मध्ये पडला. (Gautam Gambhir/Instagram)

शाहरुखला वानखेडेवर बंदी : केकेआरचा मालक आणि बॉलीवूडचा किंग शाहरुख खान याला वानखेडे स्टेडियमवर यायला बंदी घालण्यात आली. 2012 साली सुरक्षारक्षकासोबत झालेल्या वादानंतर शाहरुखवर ही कारवाई करण्यात आली. (Shahrukh Khan/instagram)

धोनी संतापला : कॅप्टन कूल म्हणून प्रसिद्ध असलेला एमएस धोनी पहिल्यांदाच मैदानावर भडकलेला पाहायला मिळाला. 2019 आयपीएलमध्ये चेन्नई आणि राजस्थान यांच्यात अंपायरच्या निर्णयामुळे मोठा वाद झाला. यानंतर धोनीवर कारवाई करण्यात आली आणि त्याची 50 टक्के मॅच फी कापण्यात आली. (CSK/Twitter)

अश्विन-बटलर मंकडिंग : रविचंद्रन अश्विनने राजस्थानचा बॅट्समन जॉस बटलरला मंकडिंग करून आऊट केलं होतं. बॉल टाकण्याच्याआधीच नॉन स्ट्रायकर एण्डवर असलेला बटलर क्रीजच्या बाहेर आला होता, त्यामुळे अश्विनने स्टम्पला बॉल लावून बटलरला पॅव्हेलियनमध्ये पाठवलं.

अनुष्का-गावसकर वाद : आयपीएलच्या मागच्या मोसमात कॉमेंट्री करताना गावसकर यांनी केलेल्या वक्तव्यावरूनही वाद निर्माण झाला होता. विराट कोहलीच्या खराब फॉर्मवर बोलताना गावसकर म्हणाले, 'विराटने लॉकडाऊनमध्ये अनुष्काच्या बॉलिंगचा सामना केला आहे', यामुळे बराच वाद निर्माण झाला होता. अनुष्काने गावसकर यांचं हे वक्तव्य अपमानकारक असल्याची प्रतिक्रिया दिली, यानंतर गावसकरांना स्पष्टीकरणही द्यावं लागलं.