T20 World Cup जिंकला, आता ऑस्ट्रेलियाचा धडाकेबाज खेळाडू करणार भारतीय मुलीशी लग्न!

टी-20 वर्ल्ड कपमध्ये (T20 World Cup) ऑस्ट्रेलियाने न्यूझीलंडचा (Australia vs New Zealand) 8 विकेटने पराभव केला. त्यामुळे कांगारू पहिल्यांदाच टी-20 वर्ल्ड कप चॅम्पियन झाले. याआधी ऑस्ट्रेलियाने पाचवेळा वनडे वर्ल्ड कप जिंकला होता. फायनलमध्ये मिचेल मार्श आणि डेव्हिड वॉर्नर यांनी अर्धशतकं केली, तर ग्लेन मॅक्सवेल 28 रनवर नाबाद राहिला. टी-20 वर्ल्ड कप जिंकल्यानंतर आता ग्लेन मॅक्सवेल लवकरच विनी रमणसोबत लग्न करणार आहे. यासाठी तो मार्च-एप्रिल 2022 साली होणारा ऑस्ट्रेलियाचा पाकिस्तान दौराही टाळण्याची शक्यता आहे. (Vini Raman/Instagram)

33 वर्षांच्या ग्लेन मॅक्सवेलने (Glen Maxwell)मार्च 2020 साली फार्मासिस्ट विनी रमणसोबत साखरपुडा केला होता. पण कोरोना लॉकडाऊनमुळे अनेकवेळा त्यांना लग्न पुढे ढकलावं लागलं. मॅक्सवेल आणि विनीच्या लग्नाची तयारी लवकरच सुरू होणार आहे, असं सांगितलं जात आहे. (Vini Raman/Instagram)

विनी रमण ऑस्ट्रेलियात स्थायिक झालेल्या तामीळ कुटुंबातील मुलगी आहे. विनीचं शिक्षक व्हिक्टोरियाच्या मेंटोन गर्ल्स सेकंडरी कॉलेजमध्ये झालं. मेडिकल सायन्समध्ये तिने शिक्षण घेतलं आणि आता ती याच क्षेत्रात प्रॅक्टिस करत आहे. (Vini Raman/Instagram)

विनी रमणने स्वत: सोशल मीडियावर एक पोस्ट लिहून मॅक्सवेल आणि तिच्या पहिल्या भेटीबाबत खुलासा केला होता. दोघंही डिसेंबर 2013 मध्ये मेलबर्न स्टार्स कार्यक्रमात भेटले होते. यानंतर मॅक्सवेलने विनीमध्ये रस दाखवायला सुरुवात केली. (Vini Raman/Instagram)

ग्लेन मॅक्सवेल आणि विनी रमण 2017 पासून एकमेकांना डेट करत आहेत. मॅक्सवेलने विनीला प्रपोज केलं होतं आणि लग्नाची मागणी घातली होती. (Vini Raman/Instagram)

ग्लेन मॅक्सवेल आणि विनी रमण या दोघांनाही फिरण्याची आवड आहे. हे दोघंही पॅरिस, लंडन, डबलिन, न्यूझीलंड आणि इतर अनेक देशांमध्ये फिरण्यासाठी गेले होते. (Vini Raman/Instagram)

मॅक्सवेल आणि विनी रमण यांचा साखरपुडा 21 फेब्रुवारी 2020 ला झाला होता, पण कोरोनाच्या नियमांमुळे त्यांना लग्नाची तारीख बदलावी लागली. आता हे दोघं मार्च-एप्रिल 2022 साली लग्न करणार असल्याचं बोललं जातंय. (Vini Raman/Instagram)

मॅक्सवेल भारतीय महिलेसोबत लग्न करणारा दुसरा ऑस्ट्रेलियन क्रिकेटपटू ठरेल. याआधी फास्ट बॉलर शॉन टेटने भारतीय मॉडेल माशूम सिंघासोबत 2014 साली लग्न केलं होतं. (Vini Raman/Instagram)