FB, Insta, Whatsapp ठप्प झाल्यावर KL Rahul का आला चर्चेत? पाहा नेमकं काय घडलं

काल whatsapp, Facebook, instagram ची सेवा जगभरात सुमारे 6 तास बंद होती. त्यानंतर केएल राहुल, सुरेश रैना यांनी यांनी काही मजेशीर ट्विट केले. त्यानंतर त्यांना चाहत्यांना आवरणं कठीण झालं होतं.

भारतीय वेळेनुसार सोमवारी रात्री 9 च्या सुमारास समस्या सुरू झाली आणि मंगळवारी पहाटे 3 च्या सुमारास ही सेवा पूर्ववत झाली.

दरम्यान भारतीय सलामीवीर केएल राहुलने चाहत्यांना विचारलं की प्रत्येकजण आपल्या मोकळ्या वेळात काय करत आहे. यावर चाहत्यांनी त्याला भन्नाट उत्तरं देत आनंद लुटला.

फेसबुक, इन्स्टाग्राम, व्हॉट्सअॅप बंद झाल्यामुळे अथिया शेट्टीशी चॅट करता येत नाही का? असा प्रश्न एका वापरकर्त्याने त्याला विचारला. कारण केएल राहुल आणि अभिनेत्री अथिया हे मागील काही काळापासून रिलेशनशिपमध्ये असल्याचं बोललं जात आहे.

त्याचबरोबर सुरेश रैनाने एम एस धोनीची मुलगी झिवा आणि त्याची मुलगी ग्रेसियासोबतचा एक फोटोही ट्विट केला होता.

या दोन्ही मुली फेसबुक, इन्स्टाग्राम आणि व्हॉट्सअॅप पुन्हा सुरू होण्यासाठी ते वाट पाहत असल्याचं अनेकांनी त्यावर लिहिलंय.