बाबर आझमच नाही तर या क्रिकेटपटूंनीही केलं बहिणीशी लग्न

पाकिस्तान क्रिकेट टीमचा कर्णधार बाबर आझम (Babar Azam) याने साखरपुडा केल्याचं वृत्त पाकिस्तानी माध्यमांनी दिलं आहे. बाबरचा आपल्या चुलत बहिणीसोबतच साखरपुडा झाला आहे, पुढच्या वर्षी दोघं विवाहबंधनात अडकणार आहेत. पण आपल्या बहिणीसोबत लग्न करणारा बाबर आझम काही पहिलाच क्रिकेटपटू नाही.

पाकिस्तानचा माजी कर्णधार शाहिद आफ्रिदी (Shahid Afridi) याने त्याच्या मामाची मुलगी नाडियाशी लग्न केलं. 22 ऑक्टोबर 2000 साली हे दोघं विवाहबंधनात अडकले. या दोघांनाही पाच मुली आहेत.

बांगलादेशचा फास्ट बॉलर मुस्तफिजूर रहमान (Mustafizur Rahaman) याने सामिया प्रविणसोबत लग्नगाठ बांधली. सामिया ही मुस्तफिजूरची मामे बहिण आहे. ढाका विद्यापीठात सामिया सायकोलॉजीची विद्यार्थिनी आहे. 2019 वर्ल्ड कपनंतर मुस्तफिजूर आणि सामियाचं लग्न झालं.

बांगलादेशचाच क्रिकेटपटू मोसदेक हुसेन (Mosaddek Hossain) याने त्याची बहिण शर्मिन समिरासोबत लग्न केलं. 2012 साली त्याचं वयाच्या 16 व्या वर्षी लग्न झालं.

पाकिस्तानचा माजी क्रिकेटपटू सईद अन्वर (Saeed Anwar) यानेही बहिण लुब्नासोबत 1996 साली लग्न केलं. 2003 क्रिकेट वर्ल्ड कपनंतर सईद अन्वरने आंतरराष्ट्रीय क्रिकेटमधून निवृत्ती घेतली.