Joginder Sharma: धोनीसोबत पदार्पण, फक्त 8 सामन्यांची कारकिर्द; 19 वर्षांनी निवृत्ती

भारताचा क्रिकेटपटू जोगिंदर शर्माने वयाच्या ३९ व्या वर्षी आंतरराष्ट्रीय क्रिकेटमधून निवृत्ती जाहीर केलीय. त्याने धोनीसोबतच क्रिकेटमध्ये पदार्पण केलं होतं.

एकदिवसीय क्रिकेटमध्ये जोगिंदर शर्माने भारताकडून २००४ मध्ये पदार्पण केलं होतं. त्याच सामन्यात धोनीसुद्धा पहिल्यांदाच भारताकडून मैदानात उतरला होता.

पहिल्या टी२० वर्ल्ड कपमध्ये २००७ साली भारताने पाकिस्तानला पराभूत केलं होतं. त्यात अखेरचं षटक टाकण्यासाठी एमएस धोनीने जोगिंदर शर्माच्या हाती चेंडू सोपवला होता.

२००७ मध्ये जोगिंदर शर्माने टी२० वर्ल्ड कपमध्ये मिसबाह उल हकला अंतिम षटक टाकलं होतं. जोगिंदर शर्माने धोनीने टाकलेला विश्वास सार्थ ठरवत जबरदस्त गोलंदाजी करत भारताला विजय मिळवून दिला होता.

जोगिंदर शर्माला भारताकडून फक्त ४ एकदिवसीय आणि ४ टी२० सामने खेळण्याची संधी मिळाली. विशेष म्हणजे चारही सामने टी२० वर्ल्ड कपमधील होते.

सध्या हरियाणा पोलिसात तो डीएसपी पदावर कार्यरत आहे. कोरोना काळात केलेल्या कामाबद्दल त्याचं आयसीसीने कौतुकही केलं होतं.