WTC Final: सचिन आणि राहुल द्रविड यांना एकत्र करत बनलं आहे न्यूझीलंडच्या खेळाडूचे नाव

मुंबई, 21 मे : भारत विरुद्ध न्यूझीलंड यांच्यातील वर्ल्ड टेस्ट चॅम्पियनशिपची फायनल (WTC Final) 18 जून पासून सुरु होणार आहे. या मॅचसाठी न्यूझीलंडनं एका भारतीय वंशाच्या खेळाडूला संधी दिली आहे. रचिन रविंद्र (Rachin Ravindra) डाव्या हाताच्या बॅट्समनचा टीममध्ये समावोश केला आहे. या खेळाडूबद्दलच्या काही विशेष गोष्टी जाणून घेऊया. (AFP)

रचिन रविंद्रचे वडिल रवि कृष्णमूर्ती आणि दीपा कृष्णमूर्ती वेलिंग्टनमध्ये राहातात. रचिनचा जन्म 1999 साली वेलिंग्टनमध्ये झाला. त्याने वयाच्या 5 व्या वर्षीच प्लॅस्टिक बॉलने क्रिकेट खेळण्यास सुरूवात केली. (फोटो – रचिन रविंद्र इन्स्टाग्राम)

रचिनचं नाव सचिन तेंडुलकर (Sachin Tendulkar) आणि राहुल द्रविड (Rahul Dravid) यांच्या नावाच्या आधारे ठेवण्यात आले आहे. त्याच्या नावात राहुलमधील RA आणि सचिनमधील Chin या शब्दांचा समावेश आहे. (फोटो – रचिन रविंद्र इन्स्टाग्राम)

रचिन रविंद्रचे वडिल भारताचा माजी फास्ट बॉलर जवागल श्रीनाथ यांचे मित्र आहेत. या दोघांनी बंगळुरुमध्ये एकत्र क्रिकेट खेळले आहे. रचिनची अनेकदा क्रिकेटबाबत श्रीनाथशी चर्चा होते. (फोटो – जवागल श्रीनाथ फेसबुक)

रचिननं वयाच्या 16 व्या वर्षीच न्यूझीलंडकडून अंडर 19 वर्ल्ड़ कप खेळला आहे. त्याने 2018 मध्ये झालेला अंडर 19 वर्ल्ड कप खेळला होता. पृथ्वी शॉ याच्या कॅप्टनसीमध्ये खेळणाऱ्या टीम इंडियाने तो वर्ल्ड कप जिंकला होता. (फोटो – रचिन रविंद्र इन्स्टाग्राम)