IPL 2021: विराट कोहलीच्या नव्या सहकाऱ्याचा धमाका, 11 बॉलमध्येच काढले 50 रन

मुंबई, 28 ऑगस्ट : आयपीएल 2021 च्या दुसऱ्या टप्प्याच्यापूर्वी आरसीबी (RCB) आणि विराट कोहलीसाठी (Virat Kohli) चांगली बातमी आहे. आरसीबीच्या टीममधील नवा खेळाडू टीम डेव्हिडनं (Tim David) कॅरेबियन प्रीमियर लीगमध्ये (CPL 2021) पदार्पणातच कमाल केली आहे. डेव्हिडचा न्यूझीलंडच्या फिन एलनच्या जागी आरसीबीमध्ये समावेश केला आहे. आयपीएल स्पर्धेसाठी निवड झालेला तो सिंगापूरचा पहिला खेळाडू आहे. (Photo: RCB)

टीम डेव्हिडनं सेंट लूसिया किंग्सकडून 28 बॉलमध्ये 56 रनची खेळी केली. या खेळीच्या दरम्यान त्यानं 8 फोर आणि 3 सिक्स लगावले. याचाच अर्थ त्यानं फक्त 11 बॉलमध्ये 50 काढले. या खेळीच्या नंतरही त्याची टीम 125 रननं पराभूत झाली. (Photo: timdavid8)

सिंगापूरच्या टीम डेव्हिडनं 14 आंतरराष्ट्रीय टी20 सामन्यात 558 रन केले आहेत. त्याची टी20 मधील सरासरी 46.50 आहे. तसंच त्याचा स्ट्राईक रेट 158 पेक्षा जास्त आहे. डेव्हिडनं 4 अर्धशतकही झळकावले आहेत. (Photo: timdavid8)

लिस्ट ए क्रिकेटमध्ये टीम डेव्हिडने 15 मॅचमध्ये 78.77 च्या सरासरीने 709 रन केले, त्याचा स्ट्राईक रेटही 121 पेक्षा जास्त आहे. डेव्हिडने 2 शतकं आणि 5 अर्धशतकं केली आहेत (Photo: timdavid8)

टीम डेव्हिडचे वडील रॉड्रिक डेव्हिड ऑस्ट्रेलियातील न्यू साऊथ वेल्सचे राहणारे आहेत. ते सिंगापूरमध्ये क्रिकेट खेळण्यासाठी आले. टीमचा जन्म 1996 साली सिंगापूरमध्येच झाला. (Photo: timdavid8)

टीम डेव्हिडने संपूर्ण टी-20 करियरमध्ये 49 मॅच खेळून 36 पेक्षा जास्तच्या सरासरीने 1,171 रन केले, यात त्याचा स्ट्राईक रेट 155 पेक्षा जास्त आहे. याच कारणामुळे विराटने त्याला आयपीएलमध्ये संधी दिली आहे. (Photo: timdavid8)

25 वर्षांच्या डेव्हिड जगभरात लीग क्रिकेट खेळतो. तो पीएसएलमध्ये लाहोर कलंदर्स, सीपीएलमध्ये सेन्ट लुसिया किंग्स, बिग बॅश लीगमध्ये पर्थ स्कॉचर्स आणि होबार्ट हरीकेन्स टीमकडून खेळला आहे. याशिवाय टीमने वेस्टर्न ऑस्ट्रेलिया इलेव्हन टीमचंही प्रतिनिधीत्व केलं. (Photo: timdavid8)