T20 World Cup, PAK vs AFG: अफगाणिस्तान विरुद्ध होणार पाकिस्तानची परीक्षा, 5 अफगानी खेळाडूंचा मोठा धोका

मुंबई, 29 ऑक्टोबर: सलग दोन विजयामुळे उत्साहित असलेल्या पाकिस्तान क्रिकेट टीमची (Pakistan Cricket Team) अफगाणिस्तानविरुद्ध परीक्षा होणार आहे. या मॅचपूर्वी पाकिस्तानचं पारडं जड आहे. पण, अफगाणिस्तानला हलकं लेखून चालणार नाही. कारण, अफगाणिस्तानमध्ये कोणत्याही टीमला धक्का देण्याची क्षमता आहे. (फोटो-AP)

अफगाणिस्तानसाठी टॉस जिंकून पहिल्यांदा बॅटींग घेणे हा उत्तम पर्याय असेल. कारण, त्यांच्या स्पिनर्सकडं बॅटर्सना जखडून ठेवण्याची क्षमता आहे. विशेषत: मुजीब उर रहेमान सध्या चांगल्या फॉर्मात आहे. त्यानं स्कॉटलंड विरुद्ध 20 रन देऊन 5 विकेट्स घेतल्या होत्या. (फोटो-AP)

टी20 क्रिकेटमधील वर्ल्ड रँकिंगमध्ये तिसऱ्या क्रमांकावर असलेला धोकादायक लेगस्पिनर राशिद खानचा सामना करणे बाबर आझम आणि मोहम्मद रिझवान यांच्यासाठी सोपं नसेल. (AP)

नजीबुल्लाह जरदाननं स्कॉटलंड विरुद्ध 34 बॉलमध्ये 5 फोर आणि 3 सिक्सच्या मदतीनं 59 रन काढले होते. त्याचा स्ट्राईक रेट 173 होता. 28 वर्षांच्या जरदाननं 64 आंतरराष्ट्रीय टी20 मॅचमध्ये 5 अर्धशतकांच्या जोरावर 1119 रन काढले आहेत. (फोटो-AP)

23 वर्षांचा हजरतुल्लाह जजाई अफगाणिस्तानचा ओपनर आहे. त्यानं स्कॉटलंडविरुद्ध 30 बॉलमध्ये 3 फोर आणि 3 सिक्सच्या मदतीनं 44 रन काढले होते. जजईनं टी20 क्रिकेटमध्ये शतकही झळकावलं आहे. त्याचा सर्वोच्च स्कोअर 162 आहे. . (फोटो-AP)

19 वर्षांचा रमतउल्लाह गुरबाज आक्रमक बॅटर म्हणून ओळखला जातो. त्यानं स्कॉटलंडविरुद्ध 37 बॉलमध्ये 1 फोर आणि 4 सिक्सच्या जोरावर 46 रन काढले होते. त्यानं आंतरराष्ट्रीय टी20 क्रिकेटमधील 14 मॅचमध्ये तीन अर्धशतक झळकावली असून त्याचा स्ट्राईक रेट 141 आहे. (फोटो-AFP)

या सर्व खेळाडूंबरोबर अफगाणिस्तानचा कॅप्टन मोहम्मद नबी हा चांगला ऑल राऊंड आहे. नबीनं आंतरराष्ट्रीय टी20 क्रिकेटमध्ये 146 च्या स्ट्राईक रेटनं 1407 रन काढले आहेत. तसंच 72 विकेट्स घेतल्या आहेत.