सुर्यकुमार यादव डिझायनर कुर्ता घालून निघाला कुठे? पत्नीने शेअर केला फोटो

सुर्यकुमार यादव नुकताच न्यूझीलंड दौऱ्यावरून भारतात परतला आहे. सुर्यकुमारची पत्नी देविशाने इन्स्टाग्रामवर दोन फोटो शेअर केले असून त्यात सुर्यकुमार डिझानयर कुर्ता आणि पायजमा अशा पोषाखात दिसत आहे. तर देविशा लाल ड्रेसमध्ये आहे.

सुर्यकुमार आणि देविशा एखाद्या लग्नसोहळ्यात सहभागी होण्यासाठी तयार असल्याचं वाटत आहे. देविशाने फोटो शेअर करताना कॅप्शनमध्ये लिहिलं की, शादी सिजन,.हे फोटो सोशल मीडियावर सध्या चर्चेत असून यावर वेगवेगळ्या कमेंटही येत आहेत. युझवेंद्र चहलची पत्नी धनश्री वर्माने दोन हार्टचे इमोजीची कमेंट केली आहे.

सुर्यकुमारने ३१ व्या वर्षी भारतीय संघात पदार्पण केलं. सुर्यकुमार आणि देविशा यांनी २०१६ मध्ये लग्न केलं होतं. सुर्यकुमारची पत्नी दक्षिण भारतीय असून तिचा जन्म मुंबईत झाला.

देविशाने मुंबईतील पोद्दार कॉलेज ऑफ कॉमर्स अँड इकॉनॉमिक्समधून पदवी घेतली आहे. याच कॉलेजमध्ये सुर्यकुमार आणि देविशा यांची ओळख झाली आणि दोघे प्रेमात पडले.

देविशा डान्स टीचर असून सामाजिक कामातही ती पुढाकार घेते. सोशल मीडियावरही ती सक्रीय असते आणि फोटो, व्हिडीओ शेअर करत असते.

सुर्यकुमार यादव त्याच्या क्रिकेटमधील यशाचे श्रेय पत्नीला देतो. देविशा नेहमीच त्याच्यासोबत असते असं सुर्यकुमार म्हणतो.