Sourav Ganguly Birthday: गांगुलीनं पळून जाऊन केलं होतं लग्न, फिल्मी आहे दादाची Love Story

टीम इंडियाचा कॅप्टन सौरव गांगुली (Sourav Ganguly) आज 49 वर्षांचा झाला आहे. भारतीय क्रिकेटमधील मोठ्या बदलांचं श्रेय गांगुलीला जातं. तो टीम इंडियाचा एक यशस्वी कॅप्टन आणि आक्रमक बॅट्समन होता. त्याने टेस्टमध्ये 16 आणि वन-डेमध्ये 22 शतक झळकावली आहेत. गांगुलीचं लग्न अगदी फिल्मी स्टाईलनं झालं. त्याने गर्लफ्रेंड डोनासोबत घरातून पळून जाऊन लग्न केले होते. (Dona Ganguly Instagram)

सौरव गांगुली आणि डोना हे एकमेकांचे शेजारी. त्यांची लव्ह स्टोरी शाळेतच सुरु झाली. दोघांच्या परिवारामध्ये भांडण होते. ते एकमेकांना बोलत नसत. त्या भांडणाचा कोणताही परिणाम त्यांच्या प्रेमावर झाला नाही. (Dona Ganguly Instagram)

डोनानं एका मुलाखतीमध्ये गांगुलीबरोबरच्या पहिल्या डेटचा खुलासा केला होता. त्यावेळी गांगुली इतका नर्वस झाला होता की त्याने खूप सारं जेवण ऑर्डर केलं होतं. 1996 साली इंग्लंड दौऱ्यावर जाण्याच्या आधी गांगुलीनं डोनासमोर प्रेमाची कबुली दिली. (Sourav Ganguly Instagram)

सौरव आणि डोनाचं लग्न देखील अगदी फिल्मी स्टाईलनं झालं. दोन्ही परिवारामध्ये वैर होतं. त्यामुळे 1996 साली गांगुली इंग्लंड दौऱ्याहून परतल्यानंतर दोघांनी घरातून पळून जात लग्न केलं. एका मित्राच्या मदतीनं 12 ऑगस्ट 1996 रोजी हे कोर्ट मॅरेज झालं. काही दिवसांनी दोघांच्या घरच्यांना ही माहिती समजली. त्यावेळी सुरुवातीला मोठा गोंधळ झाला. त्यानंतर त्यांचा विरोध मावळला. अखेर 21 फेब्रुवारी 1997 रोजी पुन्हा एकदा सर्व धार्मिक विधींसह त्यांचे लग्न झाले. (Dona Ganguly Instagram)

लग्नानंतर तीन वर्षांनी सौरव आणि डोनाच्या आयुष्यात मुलगी सनाचं आगमन झालं. सना तिची आई डोनाप्रमाणेच क्लासिकल डान्सर आहे. घरातील सर्व गोष्टींवर सनाचंच नियंत्रण असल्याचं गांगुलीनं एका मुलाखतीमध्ये सांगितलं होतं. (Dona Ganguly Instagram)

सौरव गांगुलीच्या करियरमध्ये वाईट काळ आल्यानंतर डोनानं त्याचं मनोधैर्य टिकवलं. डोनाच्या भक्कम पाठिंब्यामुळेच गांगुलीनं टीम इंडियामध्ये जोरदार पुनरागमन करत त्याच्या टिकाकारांना चोख उत्तर दिले. (Dona Ganguly Instagram)