शुभमन गिलनं केला रिलेशनशिपचा खुलासा, सारा तेंडुलकरसोबत होती अफेयरची चर्चा

मुंबई, 29 मे : टीम इंडियाचा बॅट्समन शुभमन गिल (Shubman Gill) याने त्याच्या रिलेशनशिपबद्दल खुलासा केला आहे. गेल्या अनेक दिवसांपासून त्याचे नाव सारा तेंडुलकरशी (Sara Tendulkar) जोडण्यात येत होते. गिलने इन्स्टाग्राम सेशनमध्ये फॅन्सला दिलेल्या उत्तरात याबाबत खुलासा केला आहे. (फोटो Instagram/shubmangill)

कोलकाता नाईट रायडर्सचा (KKR) बॅट्समन असलेल्या गिलला ‘तू सिंगल आहेस का?’ असा प्रश्न एका फॅनने विचारला होता. त्यावर गिलने ‘मी सिंगल असून, जवळच्या भविष्यात देखील काही योजना नाही.’ असे स्पष्ट केले.

गेल्या वर्षी जुलै महिन्यात गिल आणि सारा यांनी एकच कॅप्शन असलेला फोटो शेअर केल्याने त्यांच्या अफेयरची चर्चा सुरू झाली होती.

अर्थात त्यानंतर दोघांनीही फोटो कॅप्शन काढले. दोघांनी एकाच दिवशी एकाच कॅप्शनने फोटो शेअर करणे आणि नंतर ती कॅप्शन हटवणे हा योगायोग देखील असू शकतो.

दोघांनी फोटो हटवले असले तरी फॅन्समध्ये जोरदार चर्चा सुरु झाली होती. गिलचं संपूर्ण लक्ष सध्या त्याच्या करियरवर आहे. (Sara Tendulkar/Instagram)

इंग्लंड दौऱ्यावर जाणाऱ्या टीम इंडियामध्ये शुभमन गिलची निवड झाली आहे. (फोटो AFP)