‘बायकोला वाटतं, ही डोकं खाण्याची वेळ आहे,’ धोनीची मजेदार प्रतिक्रिया Viral

मुंबई, 28 जून : टीम इंडियाचा माजी कॅप्टन महेंद्रसिंह धोनी (MS Dhoni) सोशल मीडियावर सतत सक्रीय नसतो. 39 वर्षांचा धोनी त्याच्या कुटंबासोबतच बहुतेक वेळ घालवतो. तसंच तो आंतरराष्ट्रीय क्रिकेटमधील निवृत्तीनंतर मीडियापासून दूर आहे. असं असलं तरी धोनीची लोकप्रियता, त्याच्याबद्दलची उत्सुकता कमी झालेली नाही.

धोनीचे सोशल मीडियावर लाखो फॉलोअर्स आहेत. धोनी सध्या सक्रीय नसला तरी एकेकाळी तो चांगलाच सक्रीय होता. त्यावेळी त्याने पत्नी साक्षी धोनी (Sakshi Dhoni) बद्दल केलेली मजेदार प्रतिक्रिया चांगलीच व्हायरल झाली आहे. (फोटो – सीएसके इन्स्टाग्राम)

टीम इंडिया 2011 साली वेस्ट इंडिजच्या दौऱ्यावर होती. त्यावेळी धोनीनं केलेलं ट्विट व्हायरल झालं आहे. त्या दौऱ्यातील मॅचच्या दरम्यान पत्रकार परिषद, मॅच रेफ्रीबरोबर झालेल्या बैठकीनंतर धोनीनं सोशल मीडियावर विरंगुळा म्हणून हे ट्विट केले होते. (फोटो – Sakshi Dhoni/Instagram)

धोनीनं त्यावेळी ट्विट केले होते, “ आजचं सर्व काम झालं पत्रकार परिषद, टीम मीटिंग, रेफ्री सोबत मीटिंग झाली. त्यामुळे आता बायकोला वाटतंय ही माझं डोकं खाण्याची वेळ आहे.”