IPL 2022: नवा सिझन, नवा जोश! धोनी-कोहलीसह 4 जणांनी सोडली कॅप्टनसी

मुंबई, 25 मार्च : आयपीएल 2022 (IPL 2022) स्पर्धेची सुरूवात शनिवारी म्हणजेच 26 मार्च रोजी होणार आहे. चेन्नई सुपर किंग्स विरूद्ध कोलकाता नाईट रायडर्स (CSK vs KKR) यांच्यात या सिझनची पहिली मॅच होणार आहे. या मॅचपूर्वी महेंद्रसिंह धोनीनं (MS Dhoni) सीएसकेची कॅप्टनसी सोडली आहे. (AFP)

धोनीचा सीएसके कॅप्टन म्हणून दमदार रेकॉर्ड आहे. त्याच्या कॅप्टनसीमध्ये सीएसकेनं 4 वेळा विजेतेपद पटकावले, तर 9 वेळा फायनलमध्ये धडक मारली. आता रविंद्र जडेजा पहिल्यांदाच सीएसकेची कॅप्टनसी करणार आहे. (AFP)

रविंद्र जडेजासह 3 खेळाडू यंदाच्या आयपीएलमध्ये पहिल्यांदाच कॅप्टनसी करणार आहेत. यामध्ये आरसीबीचा फाफ ड्यू प्लेलिस, पंजाब किंग्जचा मयंक अग्रवाल आणि गुजरात टायटन्सच्या हार्दिक पांड्याचा समावेश आहे. (Mayank Agarwal Instagram)

विराट कोहलीनं (Virat Kohli) या सिझनपूर्वी आरसीबीची कॅप्टनसी सोडली आहे. केएल राहुल हा आता लखनऊ टीमचा कॅप्टन आहे. तर गुजरात टायटन्स ही आयपीएलमधील नवी टीम आहे. हार्दिक पांड्या यापूर्वी मुंबई इंडियन्सचा (Mumbai Indians) सदस्य होता. (AFP)

आयपीएलमधील नव्या कॅप्टसमोर मोठं आव्हान आहे. महेंद्रसिंह धोनीनं आयपीएल इतिहासात सर्वात जास्त 121 मॅच जिंकल्या आहेत. अन्य कोणत्याही कॅप्टनला 100 चा आकडा गाठता आलेला नाही. रोहित शर्मा (Rohit Sharma) 75 विजयासह दुसऱ्या क्रमांकावर आहे. (AFP)

गौतम गंभीरनं कॅप्टन म्हणून 71 तर विराट कोहलीनं 64 मॅच जिंकल्या आहेत. सीएसकेनं आयपीएल ऑक्शनपूर्वी रविंद्र जडेजाला सर्वाधिक 16 कोटी देऊन रिटेन केले होते. तेव्हाच जडेजा भावी कॅप्टन असणार हे स्पष्ट झाले होते. धोनीला 12 कोटी देत रिटेन केले आहे. (PTI)