IPL 2021: अर्जुन तेंडुलकर गाळतोय नेटमध्ये घाम, सिनिअर खेळाडूच्या मार्गदर्शनात सुरू आहे सराव

दुबई, 24 ऑगस्ट: महान भारतीय क्रिकेटपटू सचिन तेंडुलकरचा (Sachin Tendulkar) मुलगा अर्जुन तेंडुलकरनं (Arjun Tendulkar) आयपीएल स्पर्धेच्या दुसऱ्या टप्प्याची तयारी सुरू केली आहे. त्याला या सिझनमध्ये मुंबई इंडियन्सनं 20 लाखांमध्ये खरेदी केले होते. (pc:arjun tendulkar instagram)

ऑलराऊंडर अर्जुनला आयपीएल स्पर्धेच्या पहिल्या टप्प्यात खेळण्याची संधी मिळाली नाही. पण आता यूएईमध्ये होणाऱ्या दुसऱ्या टप्प्यात तो आयपीएलमध्ये पदार्पण करण्यासाठी उत्सुक आहे. (pc:arjun tendulkar instagram)

मुंबई इंडियन्सचा क्रिकेट ऑपरेशन डायरेक्टर झहीर खाननं काही दिवसांपूर्वी अर्जुनला खास टिप्स दिल्या आहेत. (pc: zaheer khan instagram)

त्यापाठोपाठ मुंबई इंडियन्सचा अनुभवी बॉलर धवल कुलकर्णीनं अर्जुनला उपयुक्त टिप्स दिल्या. अर्जुननं या सिझनमध्ये मुंबईच्या सिनिअर टीममध्ये पदार्पण केलं. तो मुश्ताक अली ट्रॉफी स्पर्धेतील दोन सामने खेळला आहे.

मुंबई इंडियन्सचे काही प्रमुख खेळाडू यूएईमध्ये दाखल झाले असून आबूधाबीच्या शेख झायद क्रिकेट स्टेडिअममध्ये त्यांचा सराव सुरु आहे.

मुंबई इंडियन्सचे काही प्रमुख खेळाडू यूएईमध्ये दाखल झाले असून आबूधाबीच्या शेख झायद क्रिकेट स्टेडिअममध्ये त्यांचा सराव सुरु आहे.

धवल कुलकर्णीनंही अर्जुनला टिप्स देतानाचा फोटो इन्स्टाग्रामवर शेअर केला आहे.

यूएईमध्ये जाण्यापूर्वीही मुंबई इंडियन्सनं भारतीय खेळाडूंसाठी एक कँप आयोजित केला होता. अर्जुन त्या कँपमध्येही सहभागी झाला होता.