IPL 2020 : पॉईंट्स टेबलमध्ये तळाला असलेल्या टीमचे खेळाडू ऑरेंज कॅप रेसमध्ये आघाडीवर

आयपीएल (IPL 2020) चा अर्धा मोसम आता संपला आहे. यावेळीही काही टीमनी आपला दबदबा कायम ठेवला आहे, तर काही टीम एक-एक विजयासाठीही तरसताना दिसत आहेत. आश्चर्यकारक गोष्ट म्हणजे यंदाच्या मोसमात वारंवार पराभव होत असलेल्या टीमचे खेळाडूच सर्वाधिक रन बनवत असल्याचं चित्र आहे. आयपीएलमध्ये सर्वाधिक रन करणाऱ्या खेळाडूला ऑरेंज कॅप दिली जाते. पॉईंट्स टेबलमध्ये तळाला असलेल्या टीमचे खेळाडू ऑरेंज कॅपच्या रेसमध्ये आघाडीवर आहेत.

पंजाबच्या टीमने यंदाच्या मोसमात 6 पैकी 5 मॅच गमावल्या आहेत. पॉईंट्स टेबलमध्येही पंजाबची टीम शेवटच्या स्थानावर आहे. पण त्यांचा कर्णधार केएल राहुलने सर्वाधिक 313 रन केले आहेत. यामध्ये राहुलने एक शतक आणि दोन अर्धशतकं केली आहेत. केएल राहुल याच्याकडेच सध्या ऑरेंज कॅप आहे. (फोटो- kxip)

सर्वाधिक रन करणाऱ्या खेळाडूंमध्ये चेन्नईचा फाफ डुप्लेसिस दुसऱ्या क्रमांकावर आहे. चेन्नईने आतापर्यंत 6 पैकी 4 मॅच गमावल्या आहेत. डुप्लेसिसने या 6 मॅचमध्ये 299 रन केले आहेत. या मोसमात डुप्लेसिसच्या नावावर 3 अर्धशतकं आहेत. (फोटो- csk)

तिसऱ्या क्रमांकावर पंजाबचाच मयंक अगरवाल आहे. मयंकने 6 इनिंगमध्ये 281 रन केले आहेत. एक शतक मारणारा मयंक अगरवाल मागच्या काही इनिंगमध्ये अपयशी ठरत आहेत. (फोटो- kxip)

ऑरेंज कॅपच्या रेसमध्ये चौथ्या क्रमांकावर हैदराबादचा जॉनी बेयरस्टो आहे. त्याने 6 इनिंगमध्ये 241 रन केले आहेत. हैदराबादची टीम पॉईंट्स टेबलमध्ये तिसऱ्या क्रमांकावर आहे.

पाचव्या क्रमांकावर हैदराबादचाच खेळाडू डेव्हिड वॉर्नर आहे. वॉर्नरने आतापर्यंत 227 रन केले आहे, यामध्ये दोन अर्धशतकांचा समावेश आहे. (फोटो- bcci)