IPL 2020 : धोनीने या बॉलरला अजूनही मारला नाही फोर-सिक्स, आज दुष्काळ संपणार?

चेन्नई सुपर किंग्ज (Chennai Super Kings)चा कर्णधार एमएस धोनी (MS Dhoni)2008 पासून आयपीएल (IPL)खेळत आहे. प्रत्येक टीमच्या बॉलरची एमएस धोनीने या 12 वर्षांमध्ये धुलाई केली. आपल्या बॅटिंगमुळे धोनीने चेन्नईला अनेक मॅचही जिंकवल्या. 39 व्या वर्षी धोनी चेन्नईचा सगळ्यात मोठा मॅच विनर नसेल, पण आयपीएलमध्ये अनेक वर्ष त्याने आपला करिश्मा दाखवला. आयपीएलमध्ये सगळे मोसम खेळणाऱ्या धोनीला एका बॉलरविरुद्ध एकही फोर किंवा सिक्स मारता आलेला नाही. (फोटो- IPL/BCCI)

तुम्हाला ऐकून हे खरं वाटणार नाही, पण धोनीने कोलकाता नाईट रायडर्स (Kolkata Knight Riders)चा स्पिनर सुनिल नारायण याला आयपीएलमध्ये एकही फोर किंवा सिक्स मारलेली नाही. (फोटो- IPL/BCCI)

नारायणने धोनीला 59 बॉल टाकले आहेत, यात धोनीने 29 रन केले आहेत. तर नारायणने एक वेळा धोनीला आऊटही केलं आहे. (फोटो- KKR)

यंदाच्या मोसमात बॅटिंग आणि बॉलिंगमध्येही नारायण अपयशी ठरला आहे. त्याने 4 मॅचमध्ये फक्त 2 विकेट घेतल्या आहेत, तर बॅटिंग करताना त्याला 4 इनिंगमध्ये फक्त 27 रन करता आल्या. (फोटो- KKR)

दुसरीकडे धोनी आज टी-20 क्रिकेटमध्ये 300 सिक्स पूर्ण करू शकतो. धोनीच्या नावावर टी-20 क्रिकेटमध्ये 299 सिक्स आहेत. यावर्षी त्याने 5 मॅचमध्ये 91 रन केले आहेत. (फोटो- IPL/BCCI)