IPL 2019 : ज्याला निवृत्तीचा सल्ला दिला जातोय 'तो' त्रिशतकाच्या उंबरठ्यावर

किंग्ज इलेवन पंजाबकडून खेळणाऱ्या ख्रिस गेलने आयपीएलमध्ये 300 षटकार पूर्ण करण्याच्या जवळ पोहचला आहे. धोनी, रोहित आणि रैना 200 षटकारांचा टप्पा पूर्ण करण्यास उत्सुक आहेत.

पुढच्या आठवड्यापासून आयपीएलच्या रणसंग्रामाला सुरूवात होणार आहे. यात अनेक विक्रम होतील आणि मोडले जातील. यात 300 षटकारांचा विक्रम होणार आहे. या विक्रमासाठी वेस्ट इंडिजचा स्फोटक फलंदाज ख्रिस गेलला 8 षटकारांची गरज आहे.

भारतीय फलंदाजांमध्ये रोहित शर्मा, सुरेश रैना आणि महेंद्रसिंग धोनी यांच्यात 200 षटकार पूर्ण करण्यासाठी शर्यत लागली आहे.

महेंद्रसिंग धोनीचे 186 षटकार, सुरेश रैनाचे 185 तर रोहित शर्माच्या नावावर आयपीएलमध्ये 184 षटकार आहेत.

आता तिघांपैकी षटकारांचे द्विशतक पहिल्यांदा कोण पुर्ण करणार हे पाहणे औत्सुक्याचे ठरणार आहे.

महेंद्रसिंग धोनी आणि एबी डिव्हिलियर्स दोघांचेही 186 षटकार झाले आहेत.