IND vs SA: विराट कोहली पहिल्याच मॅचमध्ये मोडणार सचिनचा मोठा रेकॉर्ड

विराट कोहली (Virat Kohli) 10 महिन्यानंतर वन-डे सामना खेळणार आहे. यापूर्वी त्यानं मार्चमध्ये इंग्लंड विरुद्ध वन-डे सामना खेळला होता. भारत विरुद्ध दक्षिण आफ्रिका (India vs South Africa) यांच्यात 3 सामन्यांची वन-डे मालिका होत आहे. (AFP)

विराटला दक्षिण आफ्रिका दौऱ्यापूर्वी वन-डे टीमच्या कॅप्टन पदावरून हटवण्यात आले होते. त्यानंतर तो पहिल्यांदा एखादा सामना खेळत आहे. वन-डे टीमच्या कॅप्टनपदी रोहित शर्माची (Rohit Sharma) नियुक्ती करण्यात आली आहे. रोहित दुखापतीमुळे ही मालिका खेळणार नाही. त्याच्या अनुपस्थितीमध्ये केएल राहुल (KL Rahul) टीमचा कॅप्टन आहे. (AFP)

वन-डे क्रिकेटमध्ये देशाबाहेर सर्वाधिक रन करण्याच्या रेकॉर्डची संधी विराटला आहे. त्याने पहिल्या मॅचमध्ये 9 रन केल्यास देशाबाहेर सर्वाधिक रन करणारा तो भारतीय बॅटर बनेल. सध्या हा रेकॉर्ड सचिन तेंडुलकरच्या (Sachin Tendulkar) नावावर आहे. सचिननं वन-डे क्रिकेटमध्ये देशाबाहेर 12 शतक आणि 24 अर्धशतक झळकावली आहेत. (BCCI Twitter)

विराटनं भारताच्या बाहेर 103 वन-डेमध्ये 58 च्या सरासरीनं 5087 रन केले आहेत. यामध्ये 20 शतक आणि 23 अर्धशतकांचा समावेश आहे. गेल्या 2 वर्षात विराटनं आंतरराष्ट्रीय क्रिकेटमध्ये एकही शतक झळकावलेलं नाही. ही प्रतीक्षा संपवण्याचा त्याचा या मालिकेत प्रयत्न असेल. . (AP)

विराटने दक्षिण आफ्रिकेविरुद्ध 13 वन-डेमध्ये 87 च्या सरासरीने 782 रन केले आहेत. यामध्ये 3 शतक आणि 3 अर्धशतकांचा समावेश आहे. आफ्रिकेविरुद्ध वन-डे मध्ये 1000 रन करणारा पहिला बॅटर होण्यासाठी त्याला आणखी 218 रनची गरज आहे. (AFP)

दक्षिण आफ्रिकेत यापूर्वी झालेल्या वन-डे मालिकेत टीम इंडियानं 5-1 या मोठ्या फरकानं विजय मिळवला होता. विराटनं त्या मालिकेत 3 शतक झळकावले होते. यंदाही त्याच पद्धतीची कामगिरी करण्याचा विराटचा प्रयत्न असेल. (AFP)