Tim Paine's 'Sexting Scandal': पेनच्या पत्नीनं अखेर सोडलं मौन, म्हणाली...

ऑस्ट्रेलियाचा कर्णधार टीम पेन (Tim Paine) याने एशेस सीरिजआधी आपल्या पदाचा राजीनामा दिला आहे. टीम पेनवर एका मुलीला अश्लिल मेसेज आणि फोटो पाठवल्याचा आरोप आहे. 2017 साली टीम पेनने हे कृत्य केलं होतं (फोटो सौजन्य-bon.paine)

टीम पेनला या विषयात 'क्रिकेट ऑस्ट्रेलिया'नं क्लीन चीट दिली होती. मात्र आता हे प्रकरण सार्वजनिक झाल्यानं त्याला राजीनामा द्यावा लागला. टीम पेनची पत्नी बॉनी पेननं या प्रकरणात मला टीमबद्दल सहानुभूती असल्याचं म्हंटलं आहे. (फोटो सौजन्य-bon.paine)

टीम आणि बॉबी पेननं एप्रिल 2016 मध्ये लग्न केलं होतं. त्यानंतर वर्षभरानं त्यानं हे अश्लील कृत्य केलं. त्यानंतरही बॉनीनं टीमला माफ केलं आहे. हे प्रकरण पुन्हा उघड झाल्यानं त्याच्यावर अन्याय झाल्याचं मत बॉनीनं व्यक्त केलं आहे. (फोटो सौजन्य bon.paine)

बॉबी पेननं सांगितलं की, 'कोणतीही व्यक्ती परीपूर्ण नसते. मला टीमनं सर्व काही सांगितलं. मला तेव्हा त्याचा राग आला. त्यानं हे करायला नको होतं. पण, त्यानं खरं सांगितल्यानं माझ्या मनात त्याच्याबद्दलचा आदर वाढला. हा प्रेमाचा मुद्दा कधीच नव्हता. आम्ही नेहमीच एकमेकांना मनापासून प्रेम केलं आहे. (फोटो-bon.paine)

'या प्रकरणामुळे मी निराश झाले आहे. टीमला या पद्धतीनं कॅप्टनसी सोडावी लागल्याचं मला वाईट वाटत आहे. हे चूक आहे.'असं बॉनीनं सांगितलं. (फोटो -bon.paine)

बॉनी पुढे म्हणाली की, 'मला हे प्रकरण समजल्यानंतर आमच्यात भांडण झालं. मला खूप राग आला होता. पण नंतर आम्ही या विषयावर चर्चा केली आणि पुढे जाण्याचं ठरवलं. आता हे सर्व जगासमोर आलं आहे. हे खूप त्रासदायक आहे.

टीम पेनची पत्नी बॉनी ही नर्स असून त्यांना दोन मुलं आहे. (फोटो सौजन्य- bon. paine)