दोन देशांकडून खेळला, वर्ल्ड कप गाजवला, आता घेतली क्रिकेटमधून निवृत्ती

संधीचा अभाव आणि मोठा क्रिकेटपटू व्हायच्या इच्छेमुळे दोन देशांकडून क्रिकेट खेळणारे अनेक खेळाडू सध्याच्या क्रिकेट विश्वात आपण पाहत आहोत. दोन देशांकडून क्रिकेट खेळण्याचं प्रमाण इंग्लंडमध्ये सर्वाधिक आहे. यातलाच एक क्रिकेटपटू म्हणजे बॉईड रॅन्किन (Boyd Rankin). आयर्लंड आणि इंग्लंडकडून खेळलेल्या बॉईड रॅन्किन याने शुक्रवारी क्रिकेटमधून निवृत्ती घेतली आहे. 6 फूट 8 इंच उंच असलेल्या या फास्ट बॉलरने आपल्या करियरमध्ये 73 वनडे, 50 टी-20 आणि 3 टेस्ट खेळल्या. रॅन्किनने आयर्लंडकडून वनडे आणि टी-20 मधून आंतरराष्ट्रीय क्रिकेटमध्ये तर इंग्लंडकडून टेस्ट क्रिकेटमध्ये पदार्पण केलं.

बॉईड रॅन्किनने त्याच्या करियरमध्ये 8 टेस्ट, 106 वनडे आणि 55 टी-20 विकेट घेतल्या. बॉईडला टीम इंडियाविरुद्ध मात्र एकही विकेट घेता आली नाही. रॅन्किन भारताविरुद्ध एक वनडे आणि तीन टी-20 मॅच खेळला. (PC-Boyd Rankin Instagram)

रॅन्किनने 2007 टी-20 वर्ल्ड कपमध्ये उल्लेखनीय कामगिरी केली. त्याने या स्पर्धेत 12 विकेट घेतल्या होत्या. 2007 च्या टी-20 वर्ल्ड कपमध्ये आयर्लंडने पाकिस्तानचा पराभव केला होता, या सामन्यात रॅन्किनने युनूस खानला शून्य रनवर आऊट केलं होतं. (PC-Boyd Rankin Instagram)

रॅन्किनने 2013 साली इंग्लंडसाठी वनडेमध्ये पदार्पण केलं. आपली जुनी टीम आयर्लंडविरुद्ध त्याने 4 विकेट घेतल्या. यानंतर 2016 साली तो पुन्हा इंग्लंडसोडून आयर्लंडच्या टीममध्ये गेला. (PC-Boyd Rankin Instagram)