टीम इंडियाचा आणखी एक खेळाडू झाला 'बाप'माणूस, घरात आली गोड परी!

भारतीय क्रिकेट टीमचा फास्ट बॉलर भुवनेश्वर कुमार बाबा झाला आहे. भुवनेश्वरची पत्नी नुपूर नागरने बुधवार 24 नोव्हेंबरला दिल्लीतल्या एका खासगी रुग्णालयात मुलीला जन्म दिला आहे. भुवनेश्वर आधी या वर्षाच्या सुरुवातीला विराट कोहली आणि उमेश यादव यांच्या घरीदेखील मुलीचं आगमन झालं. (Bhuvneshwar Kuma/Instagram)

मेरठ जिल्हा क्रिकेट असोसिएशनचे कोषाध्यक्ष राकेश गोयल यांनी भुवनेश्वर कुमार बाबा झाल्याची माहिती दिली. भुवीची पत्नी आणि बाळ व्यवस्थित असल्याचं त्यांनी सांगितलं. (Nupur Nagar/Instagram)

भुवनेश्वर कुमार गुरुवारी मेरठमधल्या त्याच्या घरी येण्याची शक्यता आहे. राकेश गोयल यांनी सांगितल्यानुसार नुपूरला मंगळवारी दिल्लीतल्या एका रुग्णालयात दाखल करण्यात आलं होतं. (Nupur Nagar/Instagram)

भुवनेश्वर कुमार आणि नुपूर यांच्या लग्नाच्या वाढदिवसाच्या दुसऱ्याच दिवशी त्यांच्या घरी गोंडस मुलीचा जन्म झाला आहे. मुलीच्या जन्मामुळे भुवीच्या घरात आनंदाचं वातावरण आहे. (Nupur Nagar/Instagram)

भुवनेश्वर कुमार आणि नुपूर नागर हे दोघं लहानपणापासूनचे मित्र आहेत. या दोघांनी 23 नोव्हेंबर 2012 साली लग्न केलं होतं. (Nupur Nagar/Instagram)

भुवनेश्वर कुमार नुकत्याच न्यूझीलंडविरुद्ध झालेल्या 3 टी-20 मॅचच्या सीरिजमध्ये खेळला. या सीरिजमधल्या तिन्ही मॅच भुवी खेळला आणि त्याला 3 विकेट मिळाल्या. (Nupur Nagar/Instagram)

भुवनेश्वर कुमारचे वडील किरण पाल सिंग यांचं यावर्षी 20 मे रोजी निधन झालं. भुवीचे वडील बऱ्याच काळापासून यकृताच्या समस्येमुळे आजारी होते. (Nupur Nagar/Instagram)

भुवनेश्वर कुमारने अजून स्वत: चाहत्यांना मुलीच्या जन्माची गूड न्यूज दिलेली नाही. तो लवकरच ही बातमी आणि मुलीचं नाव सांगेल, अशी अपेक्षा त्याच्या चाहत्यांना आहे. (Nupur Nagar/Instagram)