या खेळाडूंना BCCI देणार A+ ग्रेड! विराटएवढेच पैसे मिळणार

बीसीसीआय प्रत्येक वर्षी भारतीय खेळाडूंसोबत वार्षिक करार करते. मागच्या वर्षी 27 खेळाडूंसोबत हा करार करण्यात आला होता. बीसीसीआयच्या वार्षिक करारामध्ये विराट कोहली, रोहित शर्मा आणि जसप्रीत बुमराह A+ ग्रेडमध्ये सामील आहेत. (Photo-AP)

टीम इंडियाचा लेग स्पिनर युझवेंद्र चहलचं लग्नानंतर नशीब चमकू शकतं. ऑस्ट्रेलिया दौऱ्यात त्याने चांगली कामगिरी केली. बीसीसीआयच्या सध्याच्या करारामध्ये चहल बी ग्रेडमध्ये आहे. जर त्याचा समावेश A+ मध्ये झाला, तर त्याचं वेतन 3 कोटी रुपयांवरून 7 कोटी रुपये होईल.

वनडे क्रिकेटमध्ये टीमच्या गरजेसाठी केएल राहुल विकेट कीपिंग करत आहे. कीपिंगसोबतच त्याने बॅटिंगमध्येही चांगली कामगिरी केली आहे. त्यामुळे राहुलच्या वेतनामध्येही वाढ होऊ शकते. राहुल सध्या ग्रेड-ए करारात आहे, त्यामुळे त्याचं वेतन 5 कोटी रुपये आहे.

अजिंक्य रहाणेने विराट कोहलीच्या अनुपस्थितीमध्ये भारतीय टेस्ट टीमचं उल्लेखनीय नेतृत्व केलं आहे. रहाणेच्या नेतृत्वात भारतीय टीमने मेलबर्नमध्ये शानदार विजय मिळवला. याशिवाय खेळाडूंना दुखापती झाल्या असतानाही सिडनी टेस्ट ड्रॉ करण्यात भारताला यश आलं. या कामगिरीचा इनाम रहाणेला मिळू शकतो. तो सध्या ग्रेड-ए मध्ये असल्यामुळे प्रमोशन होऊन A+ मध्ये जागा मिळण्याची संधी आहे. (Photo-AP)

हार्दिक पांड्या मागच्या काही वर्षांपासून टीम इंडियाचा महत्त्वाचा खेळाडू बनला आहे. ऑस्ट्रेलिया दौऱ्यातही त्याने विस्फोटक बॅटिंग केली. टी-20 सीरिजमध्ये तो मॅन ऑफ द सीरिज राहिला. हार्दिक पांड्या सध्या बी ग्रेडमध्ये आहे. बीसीसीआयच्या नव्या करारामध्ये त्यालाही लॉटरी लागू शकते. (Photo-AP)

मोहम्मद शमीनेही मागच्या काही वर्षात तीनही फॉरमॅटमध्ये उल्लेखनीय कामगिरी केली आहे. शमी सध्या ए ग्रेडमध्ये आहे. या कामगिरीच्या जोरावर त्यालाही A+ मध्ये प्रवेश मिळू शकतो.

शमीप्रमाणे रविंद्र जडेजानेही तीनही फॉरमॅटमध्ये ऑल राऊंड खेळ दाखवला आहे. जडेजा सध्या ग्रेड ए मध्ये आहे. नव्या करारामध्ये त्यालाही A+ ग्रेड मिळण्याची शक्यता सर्वाधिक आहे. (Photo- PTI)