PAK vs AUS : 24 वर्षांनी ऑस्ट्रेलिया पाकिस्तान दौऱ्यावर, जायच्या आधी वॉर्नरचा कुटुंबासाठी इमोशनल मेसेज!

ऑस्ट्रेलियन टीम 24 वर्षांनी पाकिस्तान दौऱ्यावर जाणार आहे. या दौऱ्यात 3 टेस्ट, 3 वनडे आणि एक टी-20 मॅच खेळवली जाणार आहे. या दौऱ्यासाठी ऑस्ट्रेलियाची टीम तयार आहे. (pc: david warner/Instagram)

डेव्हिड वॉर्नरच्या कामगिरीवर क्रिकेट रसिकांचं लक्ष असेल, कारण नुकत्याच झालेल्या ऍशेस सीरिजमध्ये ऑस्ट्रेलियाला 4-0 ने जिंकवण्यात वॉर्नरची भूमिका महत्त्वाची राहिली. (pc: david warner/Instagram)

पाकिस्तान दौऱ्यावर रवाना होण्याआधी वॉर्नरने इन्स्टाग्रामवर कुटुंबासाठी इमोशनल मेसेज लिहिला आहे. (pc: david warner/Instagram)

वॉर्नरने पत्नी कॅन्डिस, मुलगी इवी, इंडी आणि इस्ला यांचा फोटो पोस्ट केला. माझ्या मुलींना गुडबाय म्हणणं कायमच कठीण असतं, मागचे काही महिने आम्ही खूप मस्ती केली, असं कॅप्शन वॉर्नरने या फोटोंना दिलं आहे. (pc: david warner/Instagram)

पुन्हा एकत्र यायच्या आधी काही आठवडे जायची वेळ आली आहे. मला सगळ्यांची आठवण येईल, असंही वॉर्नर म्हणाला. (pc: david warner/Instagram)

वॉर्नरच्या या पोस्टवर त्याची पत्नी कॅन्डिसनेही कमेंट केली. तुला पुन्हा एकदा खेळताना पाहण्याची आम्ही आतुरतेने वाट पाहत आहोत. तुझी आठवण येईल, असं वॉर्नरची पत्नी म्हणाली. (pc: david warner/Instagram)

वॉर्नर पाकिस्तान दौरा संपल्यानंतर आयपीएल खेळण्यासाठी भारतात येईल. 26 मार्चपासून आयपीएलच्या या मोसमाला सुरूवात होणार आहे. दिल्ली कॅपिटल्सने वॉर्नरला 6.25 कोटी रुपयांमध्ये विकत घेतलं आहे. पाकिस्तान दौऱ्यावर असल्यामुळे वॉर्नर आयपीएलच्या सुरूवातीच्या काही सामन्यांसाठी उपलब्ध असण्याची शक्यता कमी आहे. (pc: Candice Warner/Instagram)