IPL 2020 : सगळ्यात जलद बॉल टाकणाऱ्या नॉर्कियाची पत्नीसाठी भावुक पोस्ट

दिल्ली (Delhi Capitals)चा फास्ट बॉलर एनरिक नॉर्कियाने बुधवारी आयपीएल (IPL 2020) इतिहासातला सगळ्यात फास्ट बॉल टाकला. राजस्थानविरुद्धच्या या मॅचमध्ये नॉर्कियाने 156.2 किमी प्रति तास या वेगाचा बॉल टाकत आयपीएलमध्ये नवीन रेकॉर्ड केलं.

नॉर्कियाने फक्त फास्ट बॉलच टाकला नाही, तर मॅचमध्ये राजस्थानच्या विकेट घेऊन दिल्लीचा विजय निश्चित केला. नॉर्कियाने 33 रन देऊन 2 विकेट घेतल्या. या कामगिरीमुळे नॉर्कियाला मॅन ऑफ द मॅच देऊन गौरवण्यात आलं.

या यशानंतर नॉर्कियाला त्याची पत्नी मिकायलाची आठवण आली.

नॉर्कियाने मॅन ऑफ द मॅच मिळवल्यानंतर मिकायलासाठी भावुक पोस्ट लिहिली. एनरिक आणि मिकायला यांचं मागच्याच वर्षी लग्न झालं आहे. एक जुना फोटो शेयर करुन एनरिकने MISS YOU असं लिहिलं आहे. यावर मिकायलानेही तुझी खूप आठवण येत आहे, अशी कमेंट केली आहे.

एनरिकची पत्नी मिकायला शाळेत शिक्षिका आहे. एनरिक आणि मिकायला शाळेत असल्यापासूनच रिलेशनशीपमध्ये होते. यानंतर 8 वर्ष त्यांनी डेट केलं आणि मग लग्न केलं.