लग्नाच्या 5 वर्षानंतर तुटला जगातल्या नंबर-1 ऑलराउंडर क्रिकेपटूचा संसार!

ऑस्ट्रेलियाची स्टार खेळाडू एलिसा पेरीने (Ellyse Perry) लग्नाच्या पाच वर्षांनंतर वेगळं होण्याचा निर्णय घेतला आहे.

एलिसा पेरीने 2015मध्ये प्रसिद्ध रग्बीपटू मॅट टोमुआशी विवाह केला होता. दोघांचे फोटो सोशल मीडियावर कायम व्हायरल होत असत.

त्यामुळे दोघांच्या घटस्फोटाच्या निर्णयामुळे चाहते हैराण झाले आहे. मात्र फेब्रुवारीमध्ये व्हायरल झालेल्या एका फोटोमुळे या दोघांच्या नात्यात दुरावा आल्याचे दिसले होते.

फेब्रुवारी 2019मध्ये झालेल्या ऑस्ट्रेलियन क्रिकेट अवार्ड कार्यक्रमात एलिसा वेडिंग रिंग न घालता पोहचली होती.

एवढेच नाही तर एलिसानं यावर्षी बेलिंडा क्लार्क अवार्ड जिंकल्यानंतर आपल्या स्पीचमध्ये मॅटचे नाव घेतले नव्हते.

दोघांनी रविवारी एक निवेदन जारी करत, दोघांनी मिळून हा निर्णय घेतला असल्याचे सांगितले.

या निवेदनात, एकमेकांचा मान राखत आम्ही वेगळे होत आहोत. आम्हाला वाटतं की हा निर्णय आमच्यासाठी योग्य आहे. आम्ही कायम आमच्या नात्याबाबत प्रायव्हसी ठेवली आहे, त्यामुळे चाहत्यांनी आम्हाला स्पेस द्यावी.

पेरी आणि मॅट पहिल्यांदा 2013मध्ये कपल म्हणून सर्वांसमोर आले होते.

2013मध्ये पेरी आणि मॅट जॉन एल्स मेडल अवॉर्डमध्ये एकत्र हजर होते. त्यानंतर एका वर्षात त्यांनी साखरपुडा केला आणि 2015मध्ये लग्न केले.

एलिसा पेरी जगातील सर्वात सुंदर आणि विस्फोटक फलंदाज म्हणून ओळखली जाते.

सध्या एलिसा पेरी जगातील पहिल्या क्रमांकाची अष्टपैलू खेळाडू आहे.