रवी शास्त्रींनंतर कोण होणार टीम इंडियाचा कोच? 4 दिग्गज रेसमध्ये!

टीम इंडियाचे मुख्य प्रशिक्षक रवी शास्त्री यांचा कार्यकाळ टी-20 वर्ल्ड कपनंतर (T20 World Cup) संपणार आहे. यानंतर आपण पुन्हा या पदासाठी अर्ज करणार नसल्याचं शास्त्री यांनी स्पष्ट केलं आहे. यानंतर आता बीसीसीआयने नव्या कोचसाठी नावं शोधायला सुरुवात केली आहे. यामध्ये 5 दिग्गजांचा समावेश आहे, पण यातल्या एकाने कोच व्हायला नकार दिला आहे. (Ravi Shastri)

अनिल कुंबळे या रेसमध्ये सगळ्यात पुढे आहे. 2016 पासून कुंबळे टीम इंडियाचा मुख्य कोच होता, पण 2017 चॅम्पियन्स ट्रॉफी फायनलनंतर विराट (Virat Kohli) आणि कुंबळे यांच्यात वाद झाले, त्यामुळे कुंबळेने आपल्या पदाचा राजीनामा दिला. (Anil Kumble)

220 आंतरराष्ट्रीय मॅच खेळणारा व्हीव्हीएस लक्ष्मणदेखील (VVS Laxman) या पदासाठीचा दावेदार मानला जात आहे. लक्ष्मणला कोचिंगचा अनुभव नाही, पण तो स्वत:ची क्रिकेट अॅकेडमी चालवतो, तसंच तो आयपीएलमध्ये सनरायजर्स हैदराबादचा सल्लागारही आहे.

विक्रम राठोड (Vikram Rathod) सध्या टीम इंडियाचा बॅटिंग कोच आहे. 2019 साली त्याची नियुक्ती झाली होती. तेव्हापासूनच या निवडीवर प्रश्नचिन्ह उपस्थित झाले, कारण त्याला आंतरराष्ट्रीय क्रिकेटचा फार अनुभव नाही. आता विक्रम राठोड नवा हेड कोच बनण्याच्या शर्यतीतही आहे.

श्रीलंकेचा महान खेळाडू आणि मुंबई इंडियन्सचा मुख्य कोच महेला जयवर्धने (Mahela Jayawardene) याला टीम इंडियाचा कोच करण्यासाठी बीसीसीआय आग्रही होती, पण खुद्द महेलानेच याला नकार दिल्याचं वृत्त आहे. जयवर्धनेला श्रीलंका टीमचं कोच बनायचं आहे, तसंच महेला टीम इंडियाचा कोच झाला तर त्याला मुंबई इंडियन्सचं प्रशिक्षकपद सोडावं लागेल. बीसीसीआयच्या नियमानुसार एक व्यक्ती दोन पदांवर राहू शकत नाही.

न्यूझीलंडचे माजी दिग्गज खेळाडू माईक हेसन (Mike Hayson) आयपीएलमध्ये विराट कोहलीच्या आरसीबीचेही कोच आहेत. हेसन कोच असताना न्यूझीलंडने चांगली कामगिरी केली होती. 46 वर्षांचे हेसन पंजाबचे हेड कोचही होते.