दुसऱ्यांदा बोहल्यावर चढणार 'हा' स्टार क्रिकेटपटू, पहिल्या पत्नीकडून आहेत 5 मुलं

अफगाणिस्तान क्रिकेट संघाचा (Afghanistan Cricket Team) तिन्ही फॉरमॅटचा कर्णधार असगर अफगाण (Asghar Afghan) दुसऱ्यांदा बोहल्यावर चढणार आहे. असगरनं दुसऱ्यांदा साखरपूडा केला आहे.

मधल्या फळीतील जबरदस्त फलंदाज म्हणून ओळखला जाणार असगर अफगाणिस्तान संघाचा यशस्वी कर्णधारही आहे.

असगरनं अफगाणिस्तानकडून 2009मध्ये पदार्पण केले होते. त्यानं आतापर्यंत 111 एकदिवसीय सामन्यात 24.54च्या सरासरीनं 66.72च्या स्ट्राइक रेटनं 2356 धावा केल्या आहेत. तर 69 टी-20 सामने खेळले आहेत.

असगरनं दुसऱ्यांदा साखरपुडा केल्याचे अफगाणिस्तानमधील ज्येष्ठ पत्रकार इब्राहिम यांनी माहिती दिली. त्यांनी ट्वीट केले की असगरनं दुसऱ्यांदा साखरपुडा केला आहे. पहिल्या पत्नीकडून त्यांना 5 मुलं आहेत.

असगर अफगाणिस्तान संघाचा चांगला कर्णधार मानला जातो. 2015 पासून असगर संघाचा कर्णधार आहे. याआधी ही जबाबदारी मोहम्मद नबीकडे होती.

असगरनं 56 एकदिवसीय सामन्यात संघाचे नेतृत्व केले आहे. यातील 36 सामन्यात संघाला विजय मिळवता आला आहे. आशिया कप 2018मध्ये अफगाणिस्तानच्या या खेळाडूमुळे भारताविरुद्ध सामना टाय झाला होता.