Vastu: घराच्या सुख-शांतीसाठी लकी मानल्या जातात या गोष्टी; आपल्या घरात आहेत का?

लाफिंग बुद्धा - फेंगशुईमध्ये लाफिंग बुद्धा सर्वोत्तम मानला जातो. लाफिंग बुद्धा घरात ठेवल्याने सुख, सौभाग्य, धन आणि सकारात्मकता वाढते. घराच्या मुख्य दरवाजासमोर टेबलावर तो ठेवणे शुभ असते.

क्रिस्टल कमळ - फेंगशुईमधील क्रिस्टल कमळ नशीब चमकण्यासाठी आणि पैसा आकर्षित करण्यासाठी ओळखले जाते. ते घरात ठेवल्याने नात्यात गोडवा येतो आणि वास्तुदोष दूर होतात. घराच्या नैऋत्य कोपऱ्यात किंवा खिडकीजवळ क्रिस्टल कमळ ठेवणे शुभ असते.

3 नाणी - फेंगशुईची 3 नाणी खूप शुभ मानली जातात. ही नाणी घराच्या मुख्य दरवाजावर ठेवल्याने सुख-संपत्ती प्राप्त होते. ही नाणी लाल रिबनमध्ये बांधलेली आहेत. ही नाणी बाजारात सहज उपलब्ध होतात. ही नाणी घराच्या मुख्य दरवाजाच्या आतील बाजूस नकोत तर बाहेरील बाजूस असावीत याची विशेष काळजी घ्या.

क्रिस्टल पिरॅमिड - फेंगशुईमध्ये क्रिस्टल पिरॅमिड खूप शुभ मानले जाते. मान्यतेनुसार, याला घरात ठेवल्याने वास्तुदोष दूर होतात आणि घरात सकारात्मकतेचा प्रसार होतो. घराच्या उत्तर-पूर्व दिशेला किंवा पूजेच्या ठिकाणी क्रिस्टल पिरॅमिड ठेवणे शुभ मानले जाते.

चायनीज बेडूक - चिनी बेडूक हा संपत्तीच्या देवतेचे प्रतीक मानला जातो. फेंगशुईमध्ये या बेडकाला विशेष स्थान आहे. हा बेडूक तीन पायांचा असून त्याच्या तोंडात एक नाणे दाबले जाते. या बेडकाला घराबाहेर ठेवणे नेहमीच फायदेशीर मानले गेले आहे.

बांबू प्लांट - चिनी वास्तुशास्त्रानुसार घरामध्ये बांबूचे रोप लावल्याने सुख, समृद्धी आणि प्रगती होते. मान्यतेनुसार, ही वनस्पती जितकी जास्त वाढते तितकी घरातील सदस्यांची प्रगती होते. बांबू कोणी तुम्हाला भेट म्हणून देते तेव्हा ते अधिक फायदेशीर ठरते.

विंड चाइम - चिनी वास्तुशास्त्रानुसार घराच्या मुख्य दरवाजावर विंड चाइम लावल्याने मानसिक शांती आणि सकारात्मक ऊर्जा वाढण्यास मदत होते. फेंगशुईनुसार हे घरामध्ये लावल्याने घरगुती त्रास दूर होतात, असे मानले जाते. (सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 लोकमत त्याची हमी देत नाही.)