Tuesday Remedy : हनुमानाला प्रसन्न करण्यासाठी मंगळवारी करा हे उपाय, पूर्ण होतील सर्व इच्छा

हिंदू धर्मात अनेक देवांची पूजा केली जाते. आठवड्यातील प्रत्येक दिवस कोणत्या ना कोणत्या देवाला अर्पण असतो. त्या त्या दिवशी त्या देवाची किंवा देवीची पूजा करण्याचा लोक प्रयत्न करतात.

हनुमान संकट मोचन आहेत. ते आपल्यावरील सर्व संकटं तारतात आणि सुरक्षित आयुष्य देतात. आज आम्ही तुम्हाला हनुमानाला प्रसन्न करण्यासाठी काही उपाय सांगणार आहोत.

मंगळवारी सकाळी आणि संध्याकाळी हनुमानासमोर दिवा लावा. दिव्यात लाल रंगाची वात वापरा. लाल वात नसल्यास तुपात सिंदूर टाकणेही चालेल आणि यासोबतच हनुमान चालिसाचे पठण करा.

मंगळाला प्रसन्न करण्यासाठी या दिवशी माकडांना किंवा लाल रंगाच्या गायीला गूळ आणि भाजलेले हरभरे खाऊ घाला. हा उपाय खूप प्रभावी आहे. गायीला गूळ खाऊ घातल्याने सूर्याचाही तुमच्यावर अनुकूल प्रभाव पडतो.

हनुमानाला अतिशय प्रिय असलेल्या बुंदीचा प्रसाद अर्पण करा आणि प्रसादाचे वाटप मंदिरातच करा. प्रसाद उरवून घरी आणू नका. हा उपाय 40 दिवस केल्यास मंगळ दोष दूर होतो.

ज्योतिष शास्त्रानुसार, जर एखाद्याने मंगळवारी शुद्ध मनाने, पूर्ण भक्तीने हनुमानाची पूजा केली तर त्या व्यक्तीचे सर्व दुःख दूर होतात. हनुमानाला लाल फुले, लाल फळे, लाल चंदन, लाल वस्त्र, कोणतीही लाल मिठाई अर्पण केल्याने मनोकामना पूर्ण होतात.

मंगळवारी कोणत्याही हनुमान मंदिरात सिंदूर, अत्तर, गूळ, संपेंगा तेल, नारळ, पान, शेंगदाणे अर्पण करावेत. त्याशिवाय तो गूळ स्वतः खाऊन सर्वांना वाटून घ्यावा. असे केल्याने त्यांचे सर्व संकट दूर होतील असे विद्वानांचे म्हणणे आहे.

झी न्यूजमध्ये दिलेल्या माहितीनुसार, हनुमानजींना मंगळवारी बुंदीचा प्रसाद दिला जातो. तुम्हीही हा उपाय करून मंगळ प्रसन्न करू शकता. (सूचना : या लेखात दिलेली माहिती आणि सूचना सामान्य माहितीवर आधारित आहेत. News 18 Marathi यांना दुजोरा देत नाही. यांची अंमलबजावणी करण्याआधी संबंधित तज्ज्ञाशी संपर्क करा.)