भारतातले सगळ्यात श्रीमंत बाबा, पहिल्या क्रमांकाचं नाव वाचून बसेल धक्का!

भारतातले हे श्रीमंत बाबा लोकांना केवळ धार्मिक शिक्षणच देत नाहीत तर त्यांच्यापैकी अनेकांनी आपलं मोठं व्यापारी साम्राज्यही निर्माण केलं आहे. यापैकी काही जण शाळा आणि महाविद्यालयं चालवतात. भारतातल्या काही श्रीमंत बाबांच्या संपत्तीविषयी जाणून घेऊ या.

वादग्रस्त धर्मगुरू नित्यानंद हे भारतातले सर्वांत श्रीमंत बाबा आहेत; मात्र ते आता देश सोडून गेले आहेत. त्यांनी इक्वेडोरजवळ एक बेट खरेदी केलं असून, ते तिथं राहतात. लैंगिक शोषणाचा आरोप असलेल्या नित्यानंद बाबाने या बेटाचं नाव कैलास असं ठेवलं आहे. 2003पासून नित्यानंद संत म्हणून त्याचा प्रचार करत आहे. त्याच्याकडे एकूण 10 हजार कोटी रुपयांची संपत्ती आहे. तो जगभरात अनेक गुरुकुलं, आश्रम आणि मंदिरं चालवत आहे.

योगगुरू बाबा रामदेव यांनी पतंजली आयुर्वेद लिमिटेड कंपनीची स्थापना केली आहे. 1995मध्ये त्यांनी दिव्य योग मंदिर संस्थेची स्थापना केली. जगभरात योग या विषयाला वेगळी ओळख मिळवून देण्यात त्यांनी महत्त्वाची भूमिका बजावली आहे. त्यांची एकूण संपत्ती 1600 कोटी रुपये आहे.

श्री श्री रविशंकर हे देशातल्या प्रसिद्ध धर्मगुरूंपैकी एक आहेत. त्यांचे 150 देशांमध्ये 30 कोटींहून अधिक फॉलोअर्स आहेत. ते आयुर्वेदिक औषधांचा व्यापार करतात. श्री श्री रविशंकर हे 1000 कोटी रुपयांहून अधिक संपत्तीचे मालक आहेत.

माता अमृतानंदमयी देवी जगभरात अम्मा नावानं ओळखल्या जातात. त्यांचे जगभरात अनुयायी आहेत. अम्मा त्यांच्या मठांच्या वतीने केल्या जाणाऱ्या सामाजिक कार्यासाठी ओळखल्या जातात. अम्मा एकूण 1500 कोटी रुपयांच्या मालक आहेत.

बलात्काराच्या आरोपाखाली जन्मठेपेची शिक्षा भोगत असलेल्या आसाराम बापूची एकूण संपत्ती 350 कोटी रुपये असल्याची माहिती आसाराम ट्रस्टने दिली आहे. आसाराम बापूचे देशभरात 350हून अधिक आश्रम आहेत.

ईशा फाऊंडेशनचे संस्थापक जग्गी वासुदेव हेदेखील कोट्याधीश आहेत. त्यांची एकूण संपत्ती 18 कोटी रुपये आहे. सामाजिक आणि निसर्ग संरक्षण कार्यामुळे ते कायम चर्चेत असतात.