Money Mantra: या राशींनी ऑनलाईन व्यवहार जपून करा; फसवणूक होण्याची शक्यता

मेष (Aries) : व्यावसायिक प्रकरणांमध्ये निर्णय घेताना विचारांत स्पष्टता ठेवावी. अनावश्यक कामांमध्ये वेळ घालवू नये. अन्यथा पैसे व संधी हातच्या जातील. उपाय : गणपतीला मोदकांचा नैवेद्य दाखवावा.

वृषभ (Taurus) : आर्थिक बाबींमध्ये नशिबाची साथ मिळेल. प्रस्थापित व्यवसायाचा विस्तार होईल. कामाच्या ठिकाणी चोरी संभवते. ऑनलाइन फसवणुकीचे बळी ठरण्याची शक्यता आहे. उपाय : हनुमान मंदिरात नारळ अर्पण करावा.

मिथुन (Gemini) : आर्थिकदृष्ट्या आजचा दिवस फारसा चांगला नाही. अचानक एखाद्या कामासाठी कर्ज काढावं लागू शकतं. कोणत्याही कागदपत्रावर सही करण्याआधी काळजीपूर्वक वाचा. उपाय : आदित्यहृदय स्तोत्राचं पठण करावं.

कर्क (Cancer) : आर्थिक परिस्थितीमध्ये सुधारणा होण्याची शक्यता आहे. बऱ्याच काळापासूनची येणी वसूल होतील. त्याचा घरगुती विनियोग करू नका. योग्य सल्ल्याने त्याची गुंतवणूक केल्यास भविष्यात मोठा फायदा होईल. उपाय : गायीला गूळ खाऊ घालावा.

सिंह (Leo) : नशीब उजळवणाऱ्या संधी मिळू शकतात. नोकरीमध्ये बढती मिळण्याची शक्यता आहे. पैसे खर्च करण्याआधी विचार करा. अन्यथा पश्चात्तापाची वेळ येऊ शकते. पैशांची बचत करा. उपाय : गरिबांना अन्नदान करावं.

कन्या (Virgo) : ऑफिसमध्ये कामावर आज परिणाम होईल. अधिकाऱ्यांच्या नजरेत तुमची प्रतिमा खराब होईल. अचानक आर्थिक लाभ होण्याची शक्यता आहे. कोणावरही आंधळा विश्वास ठेवू नका. उपाय : श्रीकृष्ण मंदिरात मोरपीस अर्पण करा.

तूळ (Libra) : कामाच्या ठिकाणी खूप जास्त मेहनत करावी लागेल. त्याचं चांगलं फळ मिळेल. व्यावसायिकांना आजचा दिवस त्रासाचा जाईल. कोणताही करार करण्याआधी नीट विचार करा. उपाय : हनुमान चालिसा पठण करा.

वृश्चिक (Scorpio) : कामामध्ये यश मिळाल्यानं मनोबल उंचावेल. आर्थिक परिस्थितीत सुधारणा होण्याची शक्यता आहे. वैवाहिक जीवनात उत्साह येईल. उपाय : भगवान शंकरांना अभिषेक करावा.

धनू (Sagittarius) : उद्योग-व्यवसायात नफा संभवतो. अडकून राहिलेले पैसे मिळाल्यानं आनंद होईल. अनावश्यक कामांमध्ये वेळ घालवू नका. एका वेळी दोन गोष्टी करू नका. कुटुंबात सेलिब्रेशनचं वातावरण असेल. उपाय : मोठ्यांचा आशीर्वाद घेऊन घराबाहेर पडा.

मकर (Capricorn) : छोट्या व्यावसायिकांना आजचा दिवस अप्रतिम असेल. चांगले करार होतील. नोकरदार व्यक्तींसाठी मात्र काळ चांगला नाही. आर्थिक तोटा होण्याची शक्यता आहे, काळजी घ्या. पैसे उधार देण्याआधी नीट विचार करा. उपाय : 'ॐ नमः शिवाय' मंत्राचा 108 वेळा जप करा.

कुंभ (Aquarius) : आर्थिक परिस्थिती बिकट होऊ शकते. जीवनात अचानक समस्या वाढू शकतात. अनपेक्षित तोटा होण्याची शक्यता आहे. कुटुंबाकडून सहकार्य मिळेल, ही चांगली गोष्ट आहे. उपाय : श्रीराम मंदिरात बसून रामरक्षा स्तोत्र म्हणा.

मीन (Pisces) : सगळ्यांना सोबत घेऊन जाण्याचा प्रयत्न करा. बदलाबाबत चिंता वाटू शकते. एखाद्या गोष्टीवरून भावा-भावांमध्ये तणाव निर्माण होऊ शकतो. बऱ्याच काळापासून अडकलेली येणी सहज वसूल होऊ शकतात. उपाय : हनुमान मंदिरात तुपाचा दिवा लावावा.