या राशीला आज धन कुटुंब आणि सामाजिक जीवनात अनेक नवीन संधी चालून येतील

बई, 19 फेब्रुवारी: आज दिनांक १९ फेब्रुवारी २०२३ रविवार.आज माघ वद्य चतुर्दशी .या सप्ताहात शनि कुंभ राशीत तर गुरू मीन राशीत असेल.राहू केतू अनुक्रमे मेष व तुला राशीत असतील.शुक्र मीनेत तर रवि कुंभ राशीत असून बुध मकर राशीत गोचर करेल. सप्ताहाच्या सुरवातीला चंद्र कुंभ राशीत असून मध्यम फळ देईल. मंगळ वृषभ राशीत असेल.या सप्ताहात सोमवारी अमावस्या असून रवि शनि चंद्र अशी युती कुंभ राशीत होईल. तसेच मीन राशीतील गुरू शुक्र युती होईल. या ग्रहस्थिती नुसार पाहूया या आठवड्याचे राशी भविष्य . साप्ताहिक राशी भविष्य

मेष राशी स्वामी मंगळ द्वितीय स्थानात असून धन कुटुंब आणि सामाजिक जीवनात अनेक नवीन संधी चालून येतील.बोलण्यावर नियंत्रण ठेवा. राशीतील राहू एक प्रकारे गंड निर्माण करेल. कमरेचे वा तत्सम गुह्य विकार त्रास देतील. चंद्र भ्रमण आर्थिक दृष्ट्या बरे फळ देईल. कुंभेचा शनी रवि आहे.पैसा सांभाळा. कार्य करीत रहा आणि उत्तम फळ प्राप्त करा.नवीन संधी साठी तयार रहा. संतती चिंता वाटेल.मात्र लौकर बदल होतील. अधिकारी व्यक्ती मदत करतील. परदेश संबंधी कार्य होतील. अमावस्या काळात शिव उपासना करा. सप्ताह उत्तम.

वृषभ राशी स्वामी शुक्र गुरू सोबत लाभ स्थानात असून अनेक धार्मिक कार्यक्रम होतील. मित्र सहयोग मिळेल. मातृ पितृ सुख मिळेल.परदेश प्रवास होतील.राशीतील मंगळ आर्थिक दृष्ट्या मध्यम फळ देईल. कार्य क्षेत्रात नवीन संधी प्राप्त होतील. नेहमीप्रमाणे घर आणि व्यवसाय यात धावपळ होणार आहे. तरी प्रकृती जपून असावे. भाग्य स्थानातील बुध आणि व्यय राहू प्रवास योग आणतील. अमावस्या कार्यक्षेत्रात जपून रहा असे संकेत देत आहे.सप्ताह मिश्र फळ देईल.

मिथुन राशी स्वामी बुध अष्टम स्थानात पैसा देईल.आयुष्य मौजमजा सहल यात आनंदात जाईल. शनि रवि ची साथ नवीन संधी आणि परदेश गमन यासाठी उत्तम राहील.राशी चे भाग्यस्थानात येणारा चंद्र धार्मिक प्रवृत्त्ती करेल.गुरू महाराज कर्म स्थान आणि सुख स्थानावर शुभ दृष्टी ठेवून आहेत .नवीन वास्तू किंवा वाहन यासाठी प्रयत्न करा.काही दिवसातच मंगळ पुढे जाईल.सध्या प्रकृतीच्या तक्रारी कडे लक्ष असू द्या. सप्ताह चांगला जाईल .

कर्क राशी स्वामी चंद्र पूर्वार्धात ग्रासित अवस्थेत असणार आहे. मानसिक ताण ,प्रकृतीचे त्रास संभवतात.मित्र मैत्रिणी भेट,मौज मजा यात वेळ जाईल.आर्थिक लाभ होतील .मात्र आता शनि महाराज अष्टमात गेले आहेत.जपून रहा.कोणालाही कर्ज देणे,घेणे टाळा. प्रवास जपून करा.अतिरेकी धाडस नको. पैशाचा अपव्यय टाळा. सध्या गुरू बळ उत्तम आहे. त्यामुळे सप्ताह उत्तम पार पडेल. अमावस्येच्या आसपास शनीची उपासना सुरू ठेवा.सप्ताह मध्यम..

सिंह राशीस्वामी रवि कुंभेत असून श्वशुर घराण्याशी संपर्क आणेल. वैवाहिक जीवनात धोक्या पासून सावध राहा. काही उष्णतेचे विकार त्रास देतील. गुरूबळ नसल्याने सावध राहून कार्य करा.अष्टम शुक्र गुरू व्यावसायिक ताण निर्माण करतील.मात्र काही संधी देतील.काळजीपूर्वक पुढे जा. चंद्र मंगळ कार्यक्षेत्रात उत्तम फळ देणारे ठरतील.सप्ताह मध्यम.

कन्या राशी स्वामी बुध ग्रह पंचम स्थानात आहे. शैक्षणिक दृष्ट्या उत्तम काळ. घरात अनेक सुधारणा, नवीन वस्तूंची खरेदी होईल. षष्ठ स्थानातील ग्रह शत्रू,आरोग्य समस्या निर्माण करतील. गुरू शुक्र शत्रूपासून सावध राहा असा इशारा देत आहेत. काही जुनी दुखणी डोकं वर काढतील. वेळीच उपचार करा. अष्टमातील राहू स्त्री रोग कारक आहेत. काळजी घ्या. सप्ताहाचा पूर्वार्ध शुभ आहे.अमावस्या आर्थिक चिंतेची.सप्ताह मध्यम.

तुला राशी स्वामी शुक्र गुरू सोबत असून षष्ठ स्थानात सामाजिक आणि कौटुंबिक बाबी संबंधी फळ देईल. पंचम स्थानात त्रिग्रही योग उच्च शिक्षणाचे योग येतील. षष्ठ गुरू आणि मंगळ जपून राहण्याचे संकेत देत आहे. काहीसे नकारात्मक वातावरण राहिलं. उत्तरार्धात मात्र बदल होईल. पंचम स्थानातील चंद्र शनि रवि मन आणि आरोग्य दोन्ही उद्विग्न ठेवेल. सरकारी कामकाजात यश देईल .पितृ चिंता होईल.एकूण सप्ताह मिश्र फळ देईल.

वृश्चिक राशी स्वामी मंगळाचे सप्तम स्थानात भ्रमण वैवाहिक जीवनात अस्थिरता दाखवत आहे. गैरसमज,कलह टाळा. व्यावसायिक जीवनात देखील घडामोडी होतील.चतुर्थ शनि रवि मातृ पितृ चिंता निर्माण करेल. घरामध्ये मोठ्या घटना घडवून आणेल. आई वडिलांची काळजी घ्या. मानसिक ताण जाणवेल. शनी उपासना करावी.अमावस्या गृह चिंतेची. सप्ताह मध्यम जाईल.

धनू राशी स्वामी गुरू शुक्रा सोबत चतुर्थ स्थानात आहे गृह सौख्य आणि नवीन वाहन यासाठी उत्तम फळ देईल.मातृ सुख देईल .कार्यालयीन कामकाज करण्यात यश देईल.अचानक येणाऱ्या नवीन संधी जाऊ देऊ नका.मंगळ स्वभाव तापट करेल.रक्त विकार त्रास देतील. सप्ताहाचा पूर्वार्ध जपून रहा.परदेश प्रवासाचे योग येऊ शकतात. भावंडांशी काळजी घ्या. वैवाहिक जीवन सुखद राहील. अमावस्या काळात शिव उपासना करा. सप्ताह शुभ.

मकर राशी स्वामी शनि स्वगृही असून आर्थिक ,कौटुंबिक घडामोडी होतील. तृतीय स्थानात गुरू बंधू भेट घडवेल.भावंडांच्या उत्कर्षा साठी अनुकूल काळ आहे. तसेच परदेश प्रवास घडतील. राहू मातृ सुखात कमी आणेल. स्थान बदल घडेल. कार्य क्षेत्रात जर काही बदल करायचे असतील तर हा अनुकूल काळ आहे . संतती चिंता वाटत असेल तर तिकडे लक्ष असू द्या. आरोग्य जपा. अमावस्या कौटुंबिक त्रासाची. सप्ताह बरा आहे

कुंभ राशी स्वामी शनि स्वगृही रविसह असून अचानक प्रवास, समारंभात सहभाग ,उत्तम खरेदी असे लाभ देईल.साडेसातीचा काळ असला तरी धन कारक गुरू आर्थिक आणि कौटुंबिक बाबीत लाभ देईल . प्रेरणादायी विचार येतील . बोलण्याने लोकांना जिंकून घ्याल. पैतृक संपत्ती मिळेल. चतुर्थ मंगळ चंद्र घरामध्ये नवीन खरेदी घडवतील. सजावट कराल. किंवा नवीन प्रॉपर्टी चे योग येतील .सप्ताह आणि अमावस्या जपून राहण्याचे संकेत देत आहे. सप्ताह मध्यम जाईल.

मीन राशी स्वामी गुरू स्वराशीत असून मान सन्मान , प्रगती आणि संपत्ती यात वाढ करेल. कुटुंबात वाढ,वैवाहिक जीवनाची सुरवात ,तसेच संतती प्राप्ती करता उत्तम काळ आहे.साडे सती असली तरी घाबरु नका.परदेश गमनाची संधी येईल .व्यय शनि रवि आणि द्वितीय राहू घरा पासून दूर जाण्याचे योग आणतील.गृहकलह आणि भावंडाना कष्ट संभवतात. सप्ताहाच्या पूर्वार्धात काळजी घ्या.अमावस्या आर्थिक नुकसानीची.