Chanakya Niti: जीवनात उपयोगी पडतील या 6 गोष्टी; वाईट वेळ जाईल सहज टळून

चाणक्य(Chanakya)सांगतात की, गोड शब्दावाणी सर्वांनाच आवडते. म्हणूनच नेहमी गोड बोलावं. यामुळे आयुष्यात आणि नात्यात गोडवा कायम राहतो. आचार्य चाणक्य यांनी सांगितलेले काही नियम आजही आयुष्यात उपयोगात आणण्यासारखे आहेत. त्यामुळे आय़ुष्यातल्या कितीतरी अडचणींवर तोडगा निघू शकतो.

चाणक्य नीतिनुसार ज्याचं ज्ञान पुस्तकातचं मर्यादित आहे, प्रत्यक्ष व्यवहारात वापरलंच जात नाही असे लोक आणि ज्यांनी आपली संपत्ती इतरांच्या हातात दिली आहे. अशा व्यक्तींचं ज्ञान आणि संपत्ती निर्थक आहे.

चाणक्य नितीनुसार आयुष्यात आदर असणं महत्वाचं आहे. अपमानात आयुष्य जगण्यापेक्षा मरणं बरं. मरण एक क्षणचं असतं. पण, अपमानित जीवन जगणाऱ्या माणसाला रोजच त्रास सहन करावा लागतो. म्हणून आपल्या सन्मानची काळजी घ्या.

चाणक्य म्हणतात की या जगाच्या झाडावर दोन गोड फळं आहेत. एक फळ गोड शब्द आणि दुसरं सत्संग. या दोन फळांनी जीवनात गोडवा कायम राहतो.

नशीबावर विसंबणारा माणूस सुखाने जगू शकत नाही. चाणक्य निती म्हणते की जो माणूस भविष्यातील घटनांची तयारी करतो आणि कोणत्याही परिस्थितीत हुशारीने वागतो. अशा दोन्ही प्रकारातले लोक आनंदी राहतात. पण, केवळ नशिबावर अवलंबून राहणारा माणूस उध्वस्त होतो.

चाणक्य नीति म्हणते की दुसर्‍यांच्या प्रगतीवर जळणारे दृष्ट लोक इतरांबद्दल अपशब्द बोलतात कारण, त्यांची काहीही करण्याची कुवत नसते.

चाणक्य नितीनुसार,आपल्या घरातील लोकांबद्दल जास्त आसक्तीही चांगली नाही. अशा लोकांच्या वाट्याला भीती आणि दुःखच येतं. आसक्तीच दु:खाचं मूळ आहे. ज्याला आनंदी राहायचे आहे त्याने आसक्ती सोडावी.