Ram Navami 2023 : रामदास स्वामींचीही आहे आज जयंती, पाहा समर्थांच्या आयुष्यातील महत्त्वाचे प्रसंग, Photos

समर्थ रामदास स्वामी यांचा जन्म रामनवमीच्या दिवशीच 1608 साली जालना जिल्ह्यातील जांब इथं झाला. रामदास स्वामींच्या घरात त्यांच्या आयुष्यातील महत्त्वाचे प्रसंग फोटोंच्या रुपात मांडण्यात आले आहेत.

बलोपासनेचं महत्त्व सांगणारे संत अशी रामदास स्वामींची ओळख आहे. बालपणापासूनच त्यांनी यामध्ये प्राविण्य मिळवले होते.

श्रीराम पंचायतन, रामनवमी उत्सवात पंगतीला तूप कमी पडले होते त्यावेळी समर्थ रामदासांनी राम मंदिरातील समोरील आडातील पाणी काढून खापराच्या घागरीतून वाढले, अशी अख्यायिका सांगितले जाते.

रामदास स्वामींचे मुळ नाव नारायण. ते लहानपणापासून श्रीराम आणि मारूतीचे भक्त होते.

कठोर तपसाधना आणि बलोपासना हा बालनारायणाचा जीवनक्रम होता.

लग्नमंडपात शूभमंगल हा शब्द ऐकताच ते 'सावधान' झाले आणि निघून गेले, असे सांगितले जाते.

रामदास स्वामींनी छत्रपती शिवाजी महाराजांचे वडील शहाजीराजेंची भेट घेऊन तत्कालीन परिस्थितीवर चर्चा केली होती.

रामदास स्वामींनी देशपर्यटनाच्या वेळी वेगवेगळ्या व्यक्तींशी संवाद साधला.

आदिलशहाचा सरदार अफजलखानाच्या स्वराज्यावरील आक्रमणाबाबत त्यांनी शिवाजी महाराजांना पत्रातून सूचक संकेत दिला होता.

संत तुकाराम महाराज, रामदास स्वामी आणि छत्रपती शिवाजी महाराज या तिघांच्या पुण्यभेटीचा प्रसंग जांब येथील छायाचित्रात दाखवण्यात आला आहे.