Holi 2023: होळीच्या अग्नीत जाळून टाका या वस्तू, घरात नांदेल सौख्य व समृद्धी

या वर्षी होलिका दहन मंगळवार, 7 मार्च रोजी आहे. होलिका दहन विधी करण्यासाठी आणि पूजेसाठी आगीभोवती जमून चिन्हांकित केले जाते. ही परंपरा भगवान विष्णूचे भक्त हिरण्यकशिपूचा मुलगा प्रल्हाद आणि त्याची राक्षसी आत्या होलिका यांच्याशी संबंधित आहे. होळी वाईटावर चांगल्याच्या विजयाचे स्मरण करते.

होलिका दहन हे वाईटावर चांगल्याच्या विजयाचे प्रतीक मानले जाते. प्रतिपदेला रंग आणि गुलालाने होळी खेळली जाते. होलिका दहनाच्या वेळी मुहूर्ताची विशेष काळजी घेतली जाते. ज्योतिष आणि वास्तुशास्त्रात होलिका दहनाच्या दिवशी काही विशेष उपाय करणे शुभ मानले गेले आहे. ज्योतिष शास्त्रानुसार, होलिका दहनाच्या वेळी काही गोष्टी अर्पण केल्याने सुख-समृद्धी येते, त्यासोबतच कुटुंबातील प्रत्येक सदस्याला रोगांपासून मुक्ती मिळते. जाणून घेऊया कोणत्या आहेत त्या गोष्टी.

आरोग्य चांगले राहावे म्हणून होलिका दहनाच्या दिवशी 10 कडुलिंबाची पाने, सहा लवंगा आणि थोडा कापूर घेऊन पाच-सात वेळा आगीत टाका.

व्यवसायात प्रगतीसाठी होलिका दहनाच्या वेळी गव्हाच्या तीन ओंब्या आणि जवसाच्या 6 ओंब्या घेऊन या आगीत थोड्याशा जाळाव्या. यानंतर, अर्ध्या ओंब्या लाल रंगाच्या कपड्यात गुंडाळा आणि आपल्या कामाच्या ठिकाणी बांधा.

आर्थिक संकटातून सुटका होण्यासाठी उसाला होलिका दहनाची अग्नी दाखवून घराच्या नैऋत्य दिशेला उभा कराव. यामुळे तुमची आर्थिक स्थिती मजबूत होईल.

(सूचना : येथे दिलेली माहिती धार्मिक श्रद्धेवर आधारित आहे. याला कोणताही शास्त्रीय पुरावा नाही. न्यूज 18 लोकमत त्याची हमी देत नाही.)