या काही गोष्टी मनात राहिलेल्याच बऱ्या! इतरांना सांगून नंतर करावा लागतो पश्चाताप

पैशाविषयी - चाणक्यने नीतिशास्त्रात सांगितले आहे की, आपली आर्थिक स्थिती किंवा पैशाशी संबंधित कोणतीही माहिती इतर कोणत्याही व्यक्तीला सांगू नये. श्रीमंत व्यक्तीला प्रभावशाली मानले जाते, त्यामुळे लोक पैशाच्या कमतरतेमुळे त्या व्यक्तीचा आदर करणे सोडून देतात. अशा व्यक्तीला कोणीही मदत करत नाही, उलट इतरांसमोर त्याची चेष्टा केली जाते.

दुःख आणि वैयक्तिक रहस्ये - चाणक्याच्या मते, जेव्हा एखाद्या व्यक्तीला कोणतेही दु:ख असते तेव्हा त्याने ते आपल्या मनात ठेवावे. आपल्या दु:खाविषयी दुसऱ्याला सांगितल्यास आपण कदाचित उपहासाचे पात्र बनू शकतो. ज्याच्याशी आपण आपली दु:खं वाटून घेतो, त्याच्याशी भविष्यात जर मतभेद निर्माण झाले तर तो आपल्या दु:खाचं रहस्य उलगडून दाखवतो.

जोडीदाराशी संबंधित गोष्टी - नैतिकतेनुसार, कोणत्याही व्यक्तीने आपल्या जीवन साथीदाराच्या चारित्र्याशी आणि त्याच्या स्वभावाशी संबंधित गोष्टी इतरांना सांगू नयेत. जी व्यक्ती आपल्या जीवनसाथीचा आदर करत नाही, त्याला समाजात प्रतिष्ठा नसते. अशा लोकांचे वैवाहिक जीवन सुखी राहत नाही.

सन्मानाच्या बाबी - चाणक्याने आपल्या नीतिशास्त्रात सांगितले आहे की, माणसाला मान मिळाल्यावर गर्व करू नये. त्याचप्रमाणे, व्यक्तीने इतरांसमोर आपल्या अपमानाबद्दल बोलू नये. यामुळे माणूस स्वतःचा स्वाभिमान कमी करतो आणि लोक त्याचा आदर करणे सोडून देतात.

फसवणूक झाल्याबद्दल - चाणक्याच्या नीतींनुसार एखाद्या व्यक्तीसोबत फसवणूक झाली तर चुकूनही त्याविषयी इतरांना सांगू नये. असे केल्याने लोक त्या व्यक्तीला मूर्ख समजतात आणि त्याची चेष्टा करतात. अशा परिस्थितीत कोणीतरी पुन्हा त्या व्यक्तीची फसवणूक करण्याचा प्रयत्न करू शकते.